Brinjal Rate : दिवाळी झाल्यानंतर थंडीची हुडहुडी वाढू लागली आहे. दिवाळीनंतरच थंडीच्या महिन्यात भरिताची वांगी दाखल होतात. येथील बाजारपेठेत असोदा, बामणोद, भालोद येथील भरिताची वांगी दाखल झाली आहेत. (brinjal rate 40 rupees per kg in jalgaon news)
साधारणपणे भरिताची वांगी ३५ ते ४० रुपये किलो दराने उपलब्ध आहे. बामणोद, भालोद येथील वांग्यांचे दर मात्र ६० ते ७५ रुपये किलो असा आहे.
भरीत पार्टीची रंगतच न्यारी असते. या महिन्या मात्र पोषक वातावरण, थंडीमुळे वांग्याचे उत्पादन वाढले आहे. सध्या हे दर २५ ते ३५ लो आहेत. तर भालोद, बामणोद (ता.यावल) येथील वांग्याचे दर ६० ते ७५ रुपये किलोपर्यंत आहेत.
भरितासाठी आसोदा, भालोद व बामणोद वांगी प्रसिद्ध आहेत. या गावांची 'भौगोलिक, जमिनीचा प्रकार व हवामान यामुळे वांगी चवीला चांगली असतात.
बामणोद, भालोद व आसोदा येथील वांगे आकाराने मोठे व लांबोळे, मऊ व लुसलुशीत आणि वजनाने हलके असते. त्यात बियांपेक्षा गर जास्त असतो. एका किलोमध्ये साधारण चार ते पाच वांगे सहज बसतात.
ही वैशिष्ट्ये व चवीमुळे येथील वांगे ग्राहकांच्या पसंतीस पडतात. खानदेशी पद्धतीने भरीत तयार करताना कांद्याची पात हा अत्यावश्यक घटक आहे. सध्या बाजारात वांगे स्वस्त असले तरी कांद्याची हिरवी पात तब्बल ६५ ते ८० रुपये किलोने विक्री होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
