सबस्क्राईब करा
सबस्क्राईब करा
Jalgaon E Bus : जळगाव शहरात महापालिकेतर्फे सुरू करण्यात येणाऱ्या इ- बससेवेला केंद्र शासनाने मंजुरी दिली आहे.
बसडेपो करण्यात येणाऱ्या जागेची गुरुवारी (ता.१६) खासदार व आमदारांतर्फे पाहणी करण्यात आली.(Centre approval for Jalgaon electric bus service jalgaon news )
जळगाव शहरात आता मुंबई, पुणे नाशिकप्रमाणे महापालिकेची इ- बससेवा सुरू करण्यात येणार आहे. यासाठी मार्गही निश्‍चीत करण्यात आला आहे. तसेच बसडेपो व बसथांबेही निश्‍चित करण्यात आले आहेत.
महापालिकेने पाठविलेला अहवाल केंद्र शासनाने मंजूर केला आहे. लवकरच शहरात पन्नास बसेस सुरू करण्यात येणार आहेत. या बसेससाठी मेहरुण तलावाजवळील टी. बी. रूग्णालयाची जागा बसडेपो म्हणून मंजूर करण्यात आली आहे.
या ठिकाणाहून सर्व बसेस सुटणार आहेत. आज या बसडेपोच्या जागेची खासदार उन्मेष पाटील, आमदार सुरेश भोळे, जिल्हाधिकारी आयुषप्रसाद यांनी पाहणी केली. तसेच लवकरात लवकर सदर जागेसंदर्भात अंदाजपत्रक तयार करून कामाला गती देण्याचा सूचना केल्या.
या प्रसंगी भरत अमळकर, सहाय्यक आयुक्त गणेश चाटे, महावितरणचे अभियंता चोपडे, मनपाचे विद्युत अभियंता एस. एस. पाटील, प्रभाग अधिकारी लक्ष्मण सपकाळे उपस्थित होते. सर्व प्रक्रिया पूर्ण करून लवकरात लवकर शहरवासीयांना बससेवा उपलब्ध करून देण्याची मनपा ने तयारी केलेली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
