Mahaparinirvan Din : महापरिनिर्वाण दिनानिमित्ताने दादर-आदिलाबाद विशेष रेल्वे

Mahaparinirvan Din : भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त प्रवाशांची अतिरिक्त गर्दी लक्षात घेऊन मध्य रेल्वेतर्फे दादर, आदिलाबाद दरम्यान २ अनारक्षित विशेष गाड्या धावतील.(Dadar Adilabad Special Train on occasion of Mahaparinirvan Day jalgaon news)

विशेष गाडी (क्रमांक ०७०५८) ही मंगळवारी (ता.५) सकाळी सातला आदिलाबाद येथून सुटेल. दादर येथे दुसऱ्या दिवशी साडेतीनला पोचेल. विशेष गाडी (क्रमांक ०७०५७) ही गुरुवारी (ता. ७) दुपारी एकला दादर येथून एकला सुटेल. आदिलाबाद येथे त्याचदिवशी सायंकाळी सातला पोचेल.

या रेल्वेगाड्यांना आदिलाबाद, किनवट, हिमायतनगर, भोकर, मुदखेड, हुजूर साहेब नांदेड, पूर्णा, परभणी, मानवत रोड, सेलू, परतूर, जालना, छत्रपती संभाजीनगर, लासूर, रोटेगांव, नगरसूल, मनमाड, नाशिक, इगतपुरी, कल्याण, दादर असे थांबे असतील.

प्रवाशांनी सुविधेचा लाभ घ्यावा. प्रवाशांची गैरसोय टाळण्यासाठी योग्य तिकीट काढून प्रवास करण्याचे आवाहन रेल्वे प्रशासनाकडून करण्यात आले आहे.