Jalgaon News : तोंडापूर सह परिसरात बुधवारी (ता. १०) झालेल्या अवकाळी पाऊस व वाऱ्यामुळे गहू आणि मका पिकांचे मोठे नुकसान झाले. उभे पीक पिके आडवे झाल्याने शेतकऱ्यांच्या हातातोंडाशी आलेला हात हिरावला गेल्याने शेतकरी चिंतातूर आहे. (Damage to wheat and maize due to unseasonal rains jalgaon news)
तोंडापूर सह परिसरात मंगळवारी रात्री पासून जोरदार वाऱ्यासह पावसाळी वातावरण आहे. अशातच काल सकाळी आलेल्या अवकाळी पावसामुळे रब्बी पिकाचे नुकसान झाले.
मोठ्या मेहनतीने वन्यप्राणी पासून वाचवलेले गहु मका पीक वाऱ्यामुळे व पावसामुळे आडवे झाले असल्याने शेतकऱ्यांचे मोठ्या प्रमाणात नुकसान झाले. तोंडापूर शिवारात राम भाऊ अपार यांच्या शेतातील एक एकर मका पीक पावसामुळे व जोरदार हवेने आडवे झाले.
भारुडखेडा शिवारात गट क्रमांक १०७ मधील शिवाजी श्रावण राऊत व राजू राऊत अनिल राऊत तीन शेतकऱ्यांच्या तीन एकर श्रेत्रातील गहू कोवळ्या स्थितीत आडवा झाले.
कुंभारी बुद्रुक येथील सायनाबाई उत्तम पाटील यांच्या शेतातील गव्हाच्या पिकाचे अवकाळी पावसाने आडवे झाले आहे.
खरीपाच्या हंगामात शेतकऱ्यांचे झालेले नुकसान भरून काढण्यासाठी शेतकऱ्यांनी रब्बी हंगामात गहु हरभरा मका ज्वारी पिकाची लागवड केली मात्र अवकाळी पावसाच्या तडाख्याने पुन्हा शेतकरी वर्गाच्या नशिबी नुकसानच आले.
शेतकरी संकटातून बाहेर निघत नसल्याने कृषी विभागाच्या वतीने नुकसान ग्रस्त शेतकऱ्यांना आर्थिक मदत मिळावी अशी मागणी होत आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
