Jalgaon News : जिल्ह्यातील राष्ट्रीय महामार्ग लवाद कामकाजाची कार्यपद्धती जिल्हाधिकारी आयुष प्रसाद यांनी जाहीर केली. अशा प्रकारची कार्यपद्धती जळगाव जिल्हा लवादासाठी पहिल्यांदा जाहीर झाली. त्यामुळे कामकाजात पारदर्शकता येऊन खटल्यांचा जलद निपटारा होणार असून, लवाद प्रशासन गतिमान होणार आहे.
राष्ट्रीय महामार्ग अधिनियम १९५६ अन्वये जिल्हाधिकाऱ्यांची राष्ट्रीय महामार्ग लवाद म्हणून नियुक्ती झाली आहे. (District Collector Ayush Prasad announced working procedure of National Highway Arbitrator jalgaon news)
लवाद आणि सामंजस्य कायदा १९९६ मधील तरतुदीनुसार लवादास त्यांच्या समक्ष चालविण्यात येणाऱ्या प्रकरणी स्वतःची कार्यपद्धती निश्चित करण्यासंबंधीचे अधिकार प्रदान देण्यात आले. त्यानुसार जिल्हाधिकाऱ्यांनी कार्यपद्धती जाहीर केली.
आता राष्ट्रीय महामार्गासाठीच्या भूसंपादनासंबंधी लवादात अर्ज दाखल करावयाचा असल्यास तो अर्ज जळगावचे जिल्हाधिकारी तथा राष्ट्रीय महामार्ग लवाद यांच्या कार्यालयात कार्यान्वित असलेल्या लवाद कक्षात टपाल शाखेतर्फे दाखल करून घेण्यात येईल. लवाद कक्षाचे कामकाज जिल्हाधिकारी कार्यालय परिसरातील इमारतीत असेल.
राष्ट्रीय महामार्ग भूसंपादन प्रकरणांचे लवाद अर्ज दाखल करून घेणे, त्या अर्जाची छाननी करून नोंदवून घेणे व त्यास नोंदणी क्रमांक देणे, लवाद अर्ज वेळोवेळी लवाद तथा जिल्हाधिकारी यांच्या समक्ष सुनावणीसाठी सादर करणे व लवादाच्या आदेशाप्रमाणे सर्व लवाद अर्जात वेळोवेळी योग्य कायदेशीर कार्यवाही पार पाडण्याची जबाबदारी लवाद कक्षातील अधिकारी व कर्मचारी यांच्यावर राहील.
पहिल्या, तिसऱ्या गुरुवारी सुनावणी
जळगाव येथील जिल्हाधिकारी कार्यालयातील न्यायदालनात नमूद प्रकरणी तशी सुनावणीची नोटीस दिल्यावर दर महिन्याच्या प्रत्येक पहिल्या व तिसऱ्या गुरुवारी सकाळी अकराला सुनावणीची कार्यवाही होईल. लवाद अर्जाचे कामकाज प्राधान्याने मराठी भाषेतून चालविण्यात येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
