Jalgaon Crime News : सुजदे (ता.जळगाव) गावात घरासमोर माती टाकल्याच्या कारणावरून एका वृद्धासह मुलाला तीन जणांनी शिवीगाळ करत दगडाने हल्ला चढवून मारहाण करत दुखापत केल्याची घटना घडली.
जळगाव तालुका पोलिस ठाण्यात या प्रकरणी तिघांविरुद्ध गुन्हा दाखल करण्यात आला आहे. (Elderly and child beaten for throwing soil jalgaon crime news)
सुजदे येथील पंढरीनाथ लहान सोनवणे (वय ६०) हे ज्येष्ठ गृहस्थ कुटुंबीयांसह वास्तव्यास असून शेती कामे करतात. मंगळवारी (ता.१४) सकाळी ७ वाजता त्यांच्या गल्लीत राहणारा बाळू देवा सोनवणे याने त्यांच्या घरासमोर माती टाकली.
त्यावर पंढरीनाथ सोनवणे यांनी माती टाकू नको, असे सांगितले, याचा राग आल्याने बाळू देवा सोनवणे, गोपाळ बाळू सोनवणे आणि जिजाबाई बाळू सोनवणे या ठिकाणी पंढरीनाथ सोनवणे यांच्यावर दगडाने हल्ला चढवून दुखापत केली.
भांडण सोडवण्यासाठी आलेला मुलगा शशिकांत सोनवणे याला देखील चपटाबुक्क्यांनी मारहाण करून दुखापत केली. ही घटना घडल्यानंतर वृद्धाने जळगाव तालुका पोलिस ठाण्यात धाव घेवुन तक्रार दिली.
त्यानुसार संशयित आरोपी बाळू सोनवणे, गोपाळ सोनवणे आणि जिजाबाई सोनवणे अशा तिघांविरोधात जळगाव तालुका पोलिस ठाण्यात गुन्हा दाखल करण्यात आला आहे. पोलिस नाईक नरेंद्र पाटील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
