वनाधिकारी महाजनांवर लाच मागितल्या प्रकरणी गुन्हा

रावेर: कामांची बिले पास करण्यासाठी एक लाख १५ हजार रुपयांची लाच मागणाऱ्या येथील वन विभागातील(forest)अधिकाऱ्यांविरुद्ध लाचलुचपत प्रतिबंधक विभागातर्फे गुन्हा दाखल करण्यात आला. संबंधित तक्रारदार हे औरंगाबाद जिल्ह्यातील(aurnagabad districts) असून, त्यांनी जळगाव जिल्ह्यातील वन विभागाकडून रावेर तालुक्यात ए.एन.आर. रोपवनअंतर्गत चेनलिंक फेन्सिंग व गेटची तीन कामे ऑनलाइन ई-टेंडरिंगच्या माध्यमातून घेतली होती. त्यांपैकी पाल येथील काम पूर्ण केले आहे. या कामासाठी त्यांना दोन लाख ६० हजार रुपयांचा धनादेश मिळाला आहे. त्यानंतर लोहारा येथीलही काम पूर्ण झाले आहे.

मात्र, त्याचा धनादेश अद्याप मिळालेला नाही. या धनादेशाच्या मोबदल्यात वन परिक्षेत्रीय अधिकारी मुकेश हरी महाजन (वय ४५, रा. रावेर) यांनी ५ टक्के कमिशनप्रमाणे एक लाख ३० हजार रुपयांची मागणी केली. तडजोडीअंती एक लाख १५ हजार रुपयांची मागणी केली. त्यावर तक्रारदारांनी जळगावच्या लाचलुचपत प्रतिबंधक विभागाकडे तक्रार दिली. त्यानुसार मंगळवारी (ता. १८) सकाळी रावेर पोलिस ठाण्यात गुन्हा दाखल करण्यात आला.

दरम्यान, याबाबत मुकेश महाजन(crime news) यांच्याशी संपर्क साधला असता, ते म्हणाले, की माझ्याविरुद्ध अॅन्टिकरप्शन विभागाकडून(acb) गुन्हा दाखल करण्यात आला असून नोटीस बजावण्यासाठी संबंधित अधिकारी आले होते. त्यांनी माझा जबाब घेतला असून, मी त्यांना पूर्णतः सहकार्य केले. सेशन कोर्टाने अटक करण्यासाठी मुदत दिलेली असल्याने मला अटक केलेली नाही. या प्रकरणात विनाकारण गोवण्यात आले असून, न्यायदेवतेवर (court )पूर्ण विश्‍वास असल्याचेही त्यांनी सांगितले.