पाचोरा (जि. जळगाव) : दलालांमार्फत लग्न लावून आणलेली नववधू लग्नाच्या दुसऱ्याच दिवशी घरातील रोकड व दागिन्यांसह चतुर्भुज झाल्यानंतर वर पक्षाच्या तक्रारीवरुन पोलिसांनी तपासाची चक्रे फिरवून नववधूसह चौघांना ताब्यात घेतले आहे.
पोलिसांनी सांगितले, की विवाह होत नसल्याने २७ वर्षीय युवकाने आपल्या परिचयातील पळसपूर (ता. शिरपूर) येथील व्यक्तीशी संपर्क करून लग्न जुळवण्यासाठी सुरेश आर्य (रा. सेंधवा) यांच्याशी बोलणे केले. दलालामार्फत मध्यस्थी झाल्यानंतर वधूला एक लाख ६० हजार रुपये, दागिने व साडी असा ऐवज देऊन तिचा तरुणासोबत विवाह उरकण्यात आला. मात्र, विवाह झाल्यानंतर दुसऱ्याच दिवशी घरातील कपाटातील २५ हजार रुपये रोख व दागिने घेऊन नववधू रात्रीच पसार झाली. आपली फसवणूक झाल्याचे लक्षात आल्यानंतर संबंधित तरुणाने पिंपळगाव हरेश्वर पोलिसात धाव घेत तक्रार नोंदवली. त्यानुसार, पोलिसांनी तपासाची चक्रे फिरवून सुरेश आर्य (रा. सोनवळ, सेंधवा), अनिल धास्त (रा. मोहमांडळी, खरगोन), हाकसिंग पावरा (रा. हेद्रयापाडा, शिरपूर) व कलीता उर्फ लक्ष्मी किराडा (रा. मोहमांडळी, खरगोन) या चौघांविरुद्ध गुन्हा नोंदवून त्यांना ताब्यात घेतले आहे. पुढील तपास पोलीस हवालदार रवींद्रसिंग पाटील, पंकज सोनवणे व महिला पोलीस योगिता चौधरी करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
