Jalgaon News : चोरीच्या गुन्ह्यातील फरारी संशयित अटकेत

जळगाव : मलकापूर पोलिसांना चोरीच्या गुन्ह्यात हवा असलेल्या फरारी अट्टल गुन्हेगारास जळगाव एमआयडीसी पोलिस ठाण्याच्या गुन्हे शोध पथकाने अटक केली आहे.

गणेश ज्ञानदेव नेहते (रा. खुबचंदनगर, सुप्रिम कॉलनी, जळगाव) असे अटकेतील संशयिताचे नाव आहे. (Fugitive suspect in theft arrested Jalgaon News)

हेही वाचा : 'पठाण'..आणि २०२३ मधले बाॅलीवूड..कसे असतील दिवस

मलकापूर एमआयडीसी पोलिस दाखल चोरीच्या गुन्ह्यात संशयित गणेश नेहते गुन्हा घडल्यापासून फरारी होता.

आपल्या हद्दीत मलकापूर येथील चोरटा आल्याची गुप्त माहिती मिळाल्यावर निरीक्षक जयपाल हिरे यांच्या पथकातील उपनिरीक्षक आनंदसिंग पाटील, किशोर पाटील, योगेश बारी, मुकेश पाटील, किरण पाटील पथकाने संशयिताचा शोध घेत त्याला ताब्यात घेतले असून, मलकापूर पोलिस ठाण्याचे सहाय्यक फौजदार प्रल्हाद विश्वनाथ चोपडे यांच्या स्वाधीन केले आहे.