Gulabrao Patil News : नावीन्यपूर्ण, तंत्रज्ञानस्नेही उपक्रम राबवा : पालकमंत्री पाटील

Gulabrao Patil News : प्रशासनातील सेवांच्या गुणवत्तेमध्ये वाढ, लोकाभिमुखता व निर्णयशीलता आणण्यासाठी, सर्वांच्या सहकार्यातून उत्तम प्रशासन कार्यान्वित करण्याकरिता ‘राजीव गांधी प्रशासकीय गतिमानता (प्रगती) अभियान’ राबविले जात आहे.

(gulabrao Patil statement about Implement innovative technology friendly activities jalgaon news)

प्रशासकीय कामात गतिमानता आणण्यासाठी नावीन्यपूर्ण, तंत्रज्ञान स्नेही उपक्रम राबवून अभियान यशस्वी करावे. अशा सूचना पालकमंत्री गुलाबराव पाटील यांनी आज येथे दिल्या.

राजीव गांधी प्रशासकीय गतिमानता अभियानाच्या प्रभावी अंमलबजावणीसाठी पालकमंत्री पाटील यांच्या अध्यक्षतेखाली आज (ता.२३) जिल्हाधिकारी कार्यालयात बैठक झाली. त्यावेळी ते बोलत होते.

जिल्हाधिकारी आयुष प्रसाद, पोलिस अधीक्षक एम राजकुमार, जळगाव वन उपसंरक्षक प्रवीण ए, मनपा आयुक्त डॉ.विद्या गायकवाड, परिविक्षाधीन जिल्हाधिकारी अर्पित चव्हाण, अपर जिल्हाधिकारी प्रवीण महाजन, निवासी उपजिल्हाधिकारी सोपान कासार आदी उपस्थित होते.

जिल्हाधिकारी प्रसाद म्हणाले, की राजीव गांधी प्रशासकीय गतिमानता (प्रगती) अभियान व स्पर्धा जिल्ह्यात २० ऑगस्टपासून राबविण्यात येत आहे.

राजीव गांधी प्रशासकीय गतिमानता (प्रगती) अभियान व स्पर्धेत ३१ ऑक्टोबरच्या आत pragatiabhiyan.maharashtra.gov.in या लिंकवर जाऊन ऑनलाइन अर्ज दाखल करून सर्व शासकीय विभागांनी अभियानात सहभाग नोंदवावा. जिल्हास्तरावरील व तालुकास्तरावरील स्पर्धेचे अर्ज विहित कालावधीत ऑनलाइन पद्धतीने पाठविण्यात यावेत.