Gulabrao Patil : ‘राष्ट्रवादी’पाठोपाठ आता ‘काँग्रेस’चे आमदारही फुटणार; पालकमंत्री गुलाबराव पाटील यांचा दावा

Gulabrao Patil : राष्ट्रवादी कॉंग्रेसपाठोपाठ आता काँग्रेसचे आमदारही फुटणार असल्याचा खळबळजनक दावा राज्याचे पाणीपुरवठा मंत्री, जिल्ह्याचे पालकमंत्री गुलाबराव पाटील (Gulabrao Patil) यांनी शनिवारी (ता. ८) येथे पत्रकारांशी बोलताना केला.

त्यांच्या या दाव्याने राज्याच्या राजकारणात मोठी खळबळ उडाली आहे. (gulabrao patil statement After NCP Congress MLAs will split jalgaon news)

राष्ट्रवादी कॉंग्रेसमधील आमदार फुटून भारतीय जनता पक्ष- शिंदे गटाच्या सत्तेत सहभागी झाले आहेत. आणखी कोणी येण्याची शक्यता आहे का? या प्रश्‍नाला उत्तर देताना मंत्री पाटील म्हणाले, की आता काँग्रेसचे आमदार फुटतील. ते कुणाकडे येतील, ते सांगता येणार नाही.

पवारांविषयीचा अंदाज खरा ठरला

अजित पवार भाजपसोबत येतील, याबाबत कल्पना होती का? यावर बोलताना मंत्री गुलाबराव पाटील म्हणाले, की कुणालाच कल्पना नव्हती.

हेही वाचा : Credit Card फसवणूक....काय घ्याल काळजी?

मात्र, दोन महिन्यांपूर्वीच मी सांगितलेला अंदाज खरा ठरला, असे गुलाबराव पाटील यांनी सांगितले. ते येतील, याबाबत मला कुठलीही माहिती नव्हती, असेही गुलाबराव पाटील यांनी स्पष्ट केले.

काँग्रेसचेही आमदार तयारीत आहेत, सांगता येत नाही. कोणाकडे येतील ते सांगता येणार नाही, पण येतील. ते येतील, हे मी निश्चितपणाने ऐकले आहे, असा दावा मंत्री पाटील यांनी केला. यामुळे राज्याच्या राजकारणात आणखी कोणता ट्विस्ट येतो, याबाबत सर्वांनाच उत्सुकता आहे.