जळगाव : घर घेण्यासाठी माहेरून तीन लाख रुपये आणावेत यासाठी एमआयडीसी परिसरातील विवाहितेचा पतीकडून छळ होत असल्याच्या तक्रारीवरून गुन्हा दाखल झाला आहे. जळगाव शहरातील एमआयडीसी परिसरात दिव्या ज्ञानेश्वर मोहोटे (वय २३) यांचा पुणे जिल्ह्यातील संगमनेर येथील ज्ञानेश्वर मधुकर मोहोटे यांच्या सोबत विवाह झाला आहे. सद्य:स्थितीत दिव्या मोहोटे या आळंदीला राहतात.
दिव्या यांनी आळंदीचे घर घेण्यासाठी माहेरून तीन लाख रुपये आणावेत, या कारणावरून पती ज्ञानेश्वर मोहोटे व सासू अलका मोहोटे यांनी दिव्या हिस वेळोवेळी शिवीगाळ करत मारहाण केली व शारीरिक व मानसिक छळ केला. यास मामसासरे यांनीही प्रोत्साहन दिले. दिव्या यांनी दिलेल्या तक्रारीवरून बुधवारी (ता. १५) ज्ञानेश्वर मोहोटे व सासू अलका मोहोटे व मामसासरे अरुण पंढरीनाथ फरगडे (तिन्ही रा. संगमनेर, जि. पुणे) आदींविरुद्ध पोलिसात गुन्हा दाखल झाला आहे. पुढील तपास पोलिस नाईक संजय धनगर करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
