Jalgaon News : थंडीत दिवसात धुक्यामुळे रेल्वे चालकांना सिग्नल यंत्रणा लवकर दिसत नाही. यामुळे रेल्वेचा स्पीड ३० ते ४० किलोमीटर एवढा मर्यादित असतो. आता मात्र मध्य रेल्वेने धुक्यावर मात करणारी यंत्रे रेल्वे चालकांना दिली आहेत.
यामुळे चालकांना रेल्वे मार्गावरील ५०० मीटर अंतरावरील सिग्नल यंत्रणा स्पष्ट दिसेल. तसेच रेल्वेचा वेग ७५ किलोमिटर प्रतीतास ठेवता येणार आहे.(Innovative fog safety system is now being used in railways jalgaon news)
रेल्वेच्या भुसावळ विभागाचे जनसंपर्क अधिकारी जिवन चौधरी यांनी याबाबत माहिती दिली. धुक्यामुळे सर्वच गाड्यांना उशिर होतो. प्रवाशांसह सर्वाच्या वेळेचा खोळंबा होतो. धुक्यामुळे कमी दृश्यमानतेच्या घटनांमध्ये, ट्रेनचा वेग सामान्यतः ३०-६० किमी प्रतितास दरम्यान असतो.
त्यावर मात करण्यासाठी रेल्वेने आता ‘फॉग सेफ्टी डिव्हाईस’ (एफएसडी) ची अंमलबजावणी सुरू केली आहे. यामुळे रेल्वेचा वेग धुक्यात जास्तीत जास्त ७५ किलोमीटर प्रतितास वेग मिळू शकतो, ज्यामुळे ट्रेनचा खोळंबा करणारा कालावधी कमी होतो आणि वक्तशीरपणा वाढतो.
धुक्यातही दृष्यमानता वाढणार
मध्य रेल्वेने धुके सुरक्षा यंत्राचा वापर करून धुक्याच्या वातावरणात रेल्वेच्या सुरक्षेसाठीची मोठी झेप घेतली आहे. सिग्नल दृश्यमानता कमी असताना रेल्वे चालकांना मदत करण्याच्या उद्देशाने, हे नाविन्यपूर्ण तंत्रज्ञान मोठी मदत म्हणून काम करते, कमी दृश्यमानतेशी संबंधित मोठी जोखीम कमी करणार आहे.
पाचशे उपकरणे वितरित
विविध विभागांमध्ये एकूण ४९७ उपकरणांच्या वितरणासह, मध्य रेल्वेने विशेषत: प्रतिकूल हवामानाच्या परिस्थितीत, रेल्वे परीचालनाची सुरक्षितता आणि कार्यक्षमतेसाठी अत्याधुनिक तंत्रज्ञानाचा लाभ घेता येतो. रेल्वे महाजालावर सुरक्षा उपाय आणि कार्यक्षमता अधिक मजबूत करण्यासाठी अतिरिक्त धुके सुरक्षा यंत्रणांची खरेदी सध्या रेल्वेतर्फे सुरू आहे.
धुके सुरक्षा यंत्रणेची वैशिष्ट्ये अशी
- जीपीएस कार्यक्षमता: हे यंत्र धुके जीपीएस तंत्रज्ञानावर चालते, जे रेल्वे चालकांना आगामी तीन सिग्नल्सबाबत ऑडिओ आणि व्हिज्युअल संकेतांद्वारे आगाऊ सूचना प्रदान करते.
- सिग्नलचे वर्णन आणि अंतर डिस्प्ले: हे उपकरण केवळ पुढील सिग्नलचे वर्णन दाखवत नाही तर इंजिन आणि सिग्नलमधील मध्यवर्ती अंतर देखील सूचित करते तसेच आगामी बदलांसाठी योग्य तयारी सुनिश्चित करते.
- सर्वसमावेशक मॅपिंग: विविध चालक मार्गावरील सर्व सिग्नल्स आणि लेव्हल क्रॉसिंग गेट्स जीपीएस स्थानांद्वारे काळजीपूर्वक मॅप केले गेले आहेत. सर्वसमावेशक कव्हरेज सुनिश्चित करून डिव्हाइसमध्ये प्रोग्राम केले आहेत.
- अलर्ट यंत्रणा: वास्तविक स्थानाच्या ५०० मीटर आधी सिग्नलचे दिशा जाहीर करून, रेल्वे चालकांना त्यांच्या गाड्या सुरक्षितपणे हाताळण्यासाठी अधिक सतर्क आणि अधिक सुसज्ज राहण्यास मदत करते.
- उजव्या हाताच्या सिग्नलसाठी वर्धित सुरक्षा: हे यंत्र उजव्या हाताच्या बाजूला (आरएचएस) स्थित धोक्याच्या सिग्नलवर विशेष लक्ष देते, आणि सुरक्षा उपायांची माहिती देते.
धुके सुरक्षा यंत्राचे विभागनिहाय झालेले वितरण असे
* भुसावळ विभाग: २४८ उपकरणे
* मुंबई विभाग: १० उपकरणे
* नागपूर विभाग: २२० उपकरणे
* सोलापूर विभाग: ९ उपकरणे
* पुणे विभाग: १० उपकरणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
