Jalgaon News : तालुक्याची हरित क्रांती करणारा निम्न तापी प्रकल्पावर गेट ठेवण्यासाठी १३ वॉक वे ब्रिज ठेवले आहे. आणखी चार ब्रिज ठेवण्यात येतील. मात्र, पावसाळा सुरू झाल्याने धरणाचे काम बंद करण्यात आले आहे. निम्न तापी प्रकल्पाचे प्रस्तंभाचे काम २०२३ मध्ये दिवाळीनंतर सुरू झाले. दिवाळीपूर्वी १५ प्रस्तंभ सरासरी १४५ मीटरपर्यंत झाले होते. काम सुरू झाल्यावर १४५ ते १५१ मीटर तलांकापर्यंत झाले आहे. ( 136 crore spent on Padalse project this year )
एकूण २३ प्रस्तंभ असून, त्यापैकी २१ प्रस्तंभाचे संधानक काम झाले आहे. प्रस्तंभांची उंची सहा मीटरने वाढली आहे. नुकतीच प्रकल्पाला २८८८ कोटी रुपयांची सुधारित प्रशासकीय मान्यता मिळाली आहे. या वर्षी प्रकल्पावर १३६ कोटी खर्च झाले आहेत. आतापर्यंत प्रकल्पावर ८७४ कोटी रुपये खर्च झाले आहेत. गेट ठेवण्यासाठी वॉक वे ब्रिजही त्यावर ठेवले आहेत. २३ वॉक वे ब्रिज ठेवण्यात येतील. आतापर्यंत १३ ब्रिज ठेवले आहेत. (latest marathi news)
सालाबादाप्रमाणे जून महिना लागल्याने नदीपात्रातील बांधकाम बंद केले आहे. ठेकेदाराने हळूहळू आपली यंत्र सामग्री बाहेर काढणे सुरू केले आहे. मात्र, पावसाला अजून वेळ असल्याने तोपर्यंत आणखी चार ब्रिज ठेवण्याचे ठेकेदाराचे नियोजन आहे. पुन्हा ऑक्टोबरमध्ये प्रकल्पाच्या कामाला सुरवात होईल. एकीकडे भूसंपादन आणि दुसरीकडे धरणाचे बांधकाम सुरू आहे. त्यादरम्यान विविध मान्यता व तांत्रिक अडचणी सोडविण्यासाठी प्रयत्न सुरू आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
