Jalgaon Gold Silver Rate : चांदीत 4 हजारांची तर सोन्यात 1800 घसरण; सोने, चांदीच्या दरात होतेय घट

Jalgaon Gold Silver Rate : सुवर्ण बाजारात आज चांदीच्या दरात तब्बल चार हजारांची, तर सोन्याच्या दरात १८०० रुपयांची घसरण झाली आहे. लोकसभा निवडणुकीनंतर सोने, चांदीच्या दर कमी होत आहे. सोबतच लग्नसराई नसल्याने सोने, चांदीला सध्या मागणी फारशी नाही. निवडणुकीपूर्वी सोने, चांदीचा बाजार तेजीत होता. आज सोने ’जीएसटीसह’ प्रती दहा ग्रॅम ७३ हजार ३३६ होते तर चांदी प्रती किलो ९१ हजार ६७० रुपये होती. (4 thousand in silver and 1800 in gold rate fall )

२२ मेस चांदीच्या भावात तीन हजारांची वाढ झाली होती. तेव्हा चांदी प्रतिकिलो लाखावर जाते की काय? याबाबत विविध अंदाज वर्तविले गेले. चांदीचा बुधवारी भाव प्रतिकिलो ९५ हजार ७९० रुपये जीएसटीसह होता, तर सोने ७६ हजार २२० (जीएसटीसह) प्रति दहा ग्रॅम होते.लग्नसराई नसताना सोने, चांदीच्या भावात झालेली वाढ सर्वांसाठी चक्रावून टाकणारी आहे.

गुढीपाडव्याला सोन्याचा दर जीएसटीसह ७४ हजार ३६६ रुपयांवर होता. चांदीच्या भावातही तीन हजारांची वाढ होऊन चांदी ८५ हजार ३८७ रुपयांवर आली होती. सोन्यातील दरवाढीचा परिणाम गुढीपाडव्याला ग्राहकांच्या खरेदीवर दिसून आला होता. आता आगामी दोन महिने लग्नसराई नाही. यामुळे सोन्याची मागणी घटली आहे. यामुळे सोने, चांदीचे दर सात दिवसांपूर्वी घसरले होते. आता सातत्याने चांदीच्या दरात वाढ होत होती.

लोकसभा निवडणुकीनंतर मात्र सोने, चांदीच्या दरात घसरण सुरू झाली आहे. काल सोने ७५ हजार १९० (जीएसटीसह) प्रती दहा ग्रॅम तर चांदी ९५ हजार ७९० (जीएसटीसह) होती. आज चांदीत चार हजारांची घसरण तर सोन्यात १८०० रुपयांची घसरण होऊन सोने प्रती दहा ग्रॅम ७३ हजार ३३६ तर चांदी ९१ हजार ६७० वर पोचली आहे. (latest marathi news)

सोन्याचे काही दिवसांतील दर (विना जीएसटी)

तारीख--सोने (प्रति तोळा)-- चांदी (प्रतिकिलो)

*४ मे-- ७१ हजार २००--८१ हजार

*७ मे--७१ हजार ६५०--८३ हजार

*१८ मे--७४ हजार--९१ हजार

*२२ मे--७४ हजार--९३ हजार

१ जून-- ७१ हजार ६००--९० हजार

५ जून-- ७२ हजार २००--९० हजार

८ जून-- ७३ हजार--९३ हजार

९ जून--७१ हजार २००--८९ हजार