Jalgaon News : अमळनेर शहरात बेशिस्त पार्किंग करणाऱ्या 54 वाहनांवर कारवाई!

Jalgaon News : शहरातील मुख्य रस्ते व बाजारपेठेत बेशिस्त पार्किंग करणाऱ्या ३९ वाहनांवर अमळनेर पोलिसांनी दंडात्मक कारवाई, तर १५ वाहनधारकांवर न्यायालयात गुन्हा दाखल केला आहे. शहरातील मुख्य रस्ते, विविध बँका, कार्यालये व वर्दळीच्या ठिकाणी वाहनचालक बेशिस्तपणे वाहन लावतात. त्याचा त्रास सामान्य नागरिकांना सहन करावा लागतो. (Action taken against 54 vehicle parking illegally in Amalner)

त्यानुसार उपविभागीय पोलिस अधिकारी सुनील नंदवाळकर यांच्या आदेशाने पोलिस निरीक्षक विकास देवरे यांनी पोलिस कर्मचाऱ्यांची तीन पथके तयार करून शहरातील विविध भागांत त्यांची नेमणूक केली होती. त्यानुसार बेशिस्त पार्किंग करणाऱ्या ३९ वाहनांवर २४ हजार ४०० रुपयांची दंडात्मक कारवाई.

तर १२ वाहनांवर भादंवि कलम २८५ व ३ वाहनांवर भादंवि कलम २८१प्रमाणे न्यायालयात गुन्हा दाखल करण्यात आला आहे. या पथकात पोलिस उपनिरीक्षक अक्षदा इंगळे, भगवान शिरसाट, भय्यासाहेब देशमुख. (latest marathi news)

सहायक फौजदार राजेंद्र कोठावदे, पोलिस कॉन्स्टेबल सचिन पाटील, संदेश पाटील, विजय भोई, लक्ष्मीकांत शिंपी, भूषण परदेशी, मयूर पाटील आदींचा समावेश होता.

दरम्यान, पोलिसांकडून झालेल्या कारवाईचे सर्वत्र कौतुक होत आहे. पोलिसांनी मुख्य रस्ते व चौकात वाहतुकीला अडथडा निर्माण करणाऱ्या वाहनांवर नियमित कारवाई करावी, अशी अपेक्षा नागरिक व्यक्त करीत आहेत.