Airline Service : विमानसेवेमुळे पर्यटन विकासाला चालना; फ्लाय-91च्या ‘रोड शो’ ला जळगावात उत्स्फूर्त प्रतिसाद

Jalgaon News : येथील विमानतळावरुन गोवा, हैदराबादसह पुण्याला विमानसेवा सुरु करणाऱ्या फ्लाय- ९१ विमान कंपनीसह गोवा पर्यटन आणि इंडियन हॉटेल कंपनी लिमिटेड (आईएचसीएल) यांच्यातर्फे आयोजित ‘रोड शो’ला नागरिक, प्रवासी व पर्यटन प्रेमींचा चांगला प्रतिसाद मिळाला. (Aviation boosts tourism development)

जळगाव हे सोने, कापूस आणि केळी या तीन गोष्टींसाठी जाणले जाते, तर इथून अधिकाधिक पर्यटक गोव्यात यावेत या उद्देशाने हा कार्यक्रम आयोजित करण्यात आला होता. फ्लाय- ९१ने नुकतीच जळगाव ते गोवा दैनंदिन विमानसेवा सुरु केली आहे. त्यानुषंगाने गोव्यातील पर्यटनाला चालना मिळावी म्हणून हा उपक्रम राबविण्यात आला.

स्थानिक व्यापारी, व्यावसायिक संस्था, ट्रॅव्हल एजन्सी, आदी या वेळी उपस्थित होते. जळगावमधील विक्रेते आणि खरेदीदारांशी एक सकारात्मक संवाद झाला, फ्लाय- ९१च्या रोजच्या सेवांच्या तुलनेत आम्हाला येथे मोठ्या प्रमाणावर स्वारस्य अपेक्षित आहे. (latest marathi news)

असे मत फ्लाय- ९१चे मुख्य महसूल अधिकारी आशुतोष चिटणीस यांनी व्यक्त केले. फ्लाय९१ गोव्यातील पर्यटनाला चालना देण्यासाठी त्याच्या वैशिष्ट्यपूर्ण वैशिष्ट्यांचे प्रदर्शन करण्यासाठी समर्पित आहे, म्हणूनच आम्ही गोवा पर्यटन आणि आईएचसीएल समुहासोबत भागीदारी केल्याचे त्यांनी नमूद केले.