SAKAL Impact : ..अखेर वेळेपूर्वीच व्हीपीयू वॅगन फलाटावर; निंभोरा रेल्वेस्थानकावरून केळी रेक दिल्लीकडे

SAKAL Impact : रेल्वेच्या गलथान कारभाराने केळी उत्पादकांना लाखोंचा फटका बसल्याची वस्तुस्थिती ‘सकाळ’ने सर्वप्रथम ठळकपणे मांडल्यानंतर रेल्वे प्रशासनाने केळीसाठी वॅगन रेक वेळेपूर्वीच उपलब्ध करून दिले आहे. निंभोरा रेल्वेस्थानकावरून केळी परप्रांतात पाठविण्यासाठी वॅगन रेक पाठविण्यात आले. ( Banana wagon leave Nimbhora railway station to Delhi )

परंतु दोन्ही वेळा रेक वेळेवर न मिळाल्याने तब्बल २४ तास निंभोरा स्थानकावर भरल्यानंतरही पडून होता. त्यामुळे केळी उत्पादक शेतकऱ्यांना रेल्वे प्रशासनामुळे तोटा सहन करावा लागला. याबाबत फळबागायतदार शेतकरी मंडळ व केळी उत्पादक शेतकऱ्यांनी रेल्वे प्रशासनाकडे व राजकीय लोकप्रतिनिधींकडे विनंती वजा मागणी केली होती. (latest marathi news)

तसेच सर्वप्रथम ‘सकाळ’मध्ये याबाबत ठळक प्रसिद्धी झाल्याने या बाबतची रेल्वे प्रशासनाने दखल घेत शनिवारी (ता. २५) भरला जाणारा तिसरा वॅगन्स रेक आधीच निंभोरा रेल्वेस्थानकावर उपलब्ध झाला आहे. यामुळे केळी उत्पादक शेतकऱ्यांना दिलासा मिळून यापुढेही प्रत्येक वॅगन रेक वेळेवर मिळून वेळेवर रवाना व्हावा, अशी अपेक्षा व्यक्त करून रेल्वे प्रशासनाचे व राजकीय लोकप्रतिनिधींचे सहकार्य मिळाल्याने रेल्वे वॅगन आधीच मिळाले आहे. सर्व केळी उत्पादक शेतकऱ्यांनी समाधान व्यक्त केले.