Jalgaon Bribe Crime : फेरफार नाव लावण्यासाठी तडजोडीअंती सहा हजारांची लाच स्वीकारताना मुक्ताईनगर तालुक्यातील राजुरा ग्रामसेवक मनोज सूर्यकांत घोडके (वय ३४) व शिपाई सचिन अशोक भोलाणकर (वय २३) यांना बुधवारी सायंकाळी जळगाव एसीबीने अटक केली. राजुरा गावातील ४२ वर्षीय तक्रारदार यांच्या आईच्या नावाचे घर व प्लॉट असून, त्यांना घर व प्लॉटवर आईचे नाव कमी करून तक्रारदार यांचे फेरफार नाव लावण्यासाठी तक्रारदाराने राजुरा ग्रामपंचायतीत अर्ज केला. ( bribe of 6 thousand was taken to change name)
तक्रारदार यांचे फेरफारवर नाव लावण्यासाठी ग्रामसेवकाने ११ हजारांची लाच बुधवारी (ता.१५) मागितली होती व त्याबाबत जळगाव एसीबीकडे तक्रार नोंदविण्यात आली. बुधवारी लाच पडताळणीत ११ हजारांची लाच मागणी केल्यानंतर ग्रामसेवकाने तडजोड करीत सहा हजारांची लाच शिपायाकडे देण्याचे सांगितले. शिपायाने लाच स्वीकारताच ग्रामसवेकालाही अटक करण्यात आली.
संशयितांविरोधात मुक्ताईनगर पोलिसात गुन्हा दाखल करण्यात आला आहे. ही कारवाई जळगाव लाचलुचपत प्रतिबंधक विभागाचे पोलिस उपअधीक्षक सुहास देशमुख यांच्या नेतृत्वात पोलिस निरीक्षक अमोद वालझाडे, सहाय्यक फौजदार दिनेशसिंग पाटील, बाळू मराठे, प्रणेश ठाकूर, पोलिस कर्मचारी सुरेश पाटील, रवींद्र घुगे, शैला धनगर, किशोर महाजन, प्रदीप पोळ, राकेश दुसाने, अमोल सूर्यवंशी, सचिन चाटे आदींच्या पथकाने केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
