Jalgaon Building News जळगाव शहरातील छत्रपती शिवाजी महाराज नगरात एक मोठा अपघात झाला आहे. यावेळी एक जीर्ण इर्रात कोसळली आहे. सकाळी ९ वाजताच्या सुमारास हा अपघात झाला. या अपघातात १ वृद्ध महिलेचा मृत्यू झाला आहे. तर ३ जण जखमी झाले आहेत.
आज सकाळी नऊ वाजेच्या सुमारास छत्रपती शिवाजी महाराज नगरातील एक इमारत अकस्मात कोसळली. प्रशासनाला माहिती मिळताच तात्काळ जिल्हाधिकारी आयुष प्रसाद, मनपा आयुक्त डॉ. विद्या गायकवाड यांनी आपल्या सहकार्‍यांसह घटनास्थळी धाव घेतली.
ढिगारा हटविण्यास सुरुवात करण्यात आली. दुर्घटनेची माहिती मिळताच पालकमंत्री ना. गुलाबराव पाटील व महापौर जयश्री महाजन यांनी देखील तेथे धाव घेतली.
माहिती देताना पालकमंत्री ना. गुलाबराव पाटील यांनी सदर इमारतीच्या ढिगार्‍याखाली चार लोक दाबले गेले असून यातील तिघांना वाचविण्यात आले असले तरी एक वृध्द महिलेचा शोध सुरू असल्याची माहिती दिली.
यावेळी अश्या घटना इतर ठिकाणी घडू नये यासाठी प्रशासनाला काळजी घेण्याचे आदेश पालकमंत्र्यांनी दिले.
या ठिकाणी स्थानिक नगरसेवक दिलीप पोकळे, नवनाथ दारकुंडे आदींसह राजकीय आणि सामाजिक क्षेत्रातील मान्यवरांची उपस्थिती होती. स्वत: आयुक्त डॉ. विद्या गायकवाड या बचाव कार्यावर नजर ठेवून होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.