जळगाव : जिल्ह्यातील भुसावळ तालुक्यातील देवदर्शनासाठी गेलेल्या भाविकांच्या बसला उत्तर काठमांडू (नेपाळ) कडे जाताना भीषण अपघात झाला. उत्तर प्रदेशातील ही खासगी बस खोल नदीत कोसळून बसमधील सुमारे १४ भाविकांचा मृत्यू झाला असून १६ जण गंभीर जखमी झाल्याची प्राथमिक माहिती हाती येत आहे.
दुथडी भरुन वाहणाऱ्या नेपाळमधील नदीत काही भाविक वाहून गेले असून त्यांचा शोध लागलेला नाही. हे सर्व भाविक भुसावळ तालुक्यातील वरणगाव- तळवेल व परिसरातील असल्याचे सांगितले जात आहे. जखमींपैकी ५ जणांची प्रकृती चिंताजनक असून त्यांना रुग्णालयात दाखल केले आहे. पोखराहून काठमांडूकडे जाताना यापैकी एक बस चालकाचे नियंत्रण सुटल्याने नदीत कोसळली. (Accident 14 people died of Bhusawal in Nepal Bus Accident)