Jalgaon News : चोपडा आगारास मिळाले 34 लाखांचे विक्रमी उत्पन्न! पंढरपूर वारीतून साडेचौदा लाखांचा नफा

चोपडा : पंढरपूर यात्रेसाठी चोपडा आगारातून भाविकांसाठी जादा बसेस सोडण्यात आल्या होत्या. यातून आगाराला ३३ लाख ७८ हजार ८२५ उत्पन्न मिळाले असून, आगारास सवलतीसह १४ लाख ५६ हजारांचा नफा झाल्याची माहिती आगारप्रमुख महेंद्र पाटील यांनी दिली. (Jalgaon Chopra Agar got record income of 34 lakhs)

आषाढी पंढरपूर यात्रेसाठी राज्य परिवहन महामंडळाच्या चोपडा आगारातून १० ते २० जुलै दरम्यान भाविकांसाठी जादा बसेस सोडण्यात आल्या होत्या. यात चोपडा आगाराला जवळपास ३४ लाखाचे विक्रमी उत्पन्न मिळाले आहे. यात्रेदरम्यान आगारातून ४८ वाहने ११२ फेऱ्या, ५२ हजार ८६२ किलोमीटर करून सवलतीसह ३३ लाख ७८ हजार ८२५ उत्पन्न मिळाले.

सवलतीसह उत्पन्न प्रती किलोमीटर ६३.९१ सवलतीसह भारमान १०० टक्के एकूण १० हजार ५१३ प्रवाशांनी प्रवास केला. यामुळे आगारास सवलतीसह १४ लाख ५६ हजारांचा नफा झाला, अशी माहिती आगारप्रमुख महेंद्र पाटील यांनी दिली. (latest marathi news)

चोपडा आगारास विक्रमी उत्पन्न मिळवून देण्यासाठी प्रयत्न करणारे चालक, वाहक, यांत्रिक व प्रशासकीय कर्मचाऱ्यांचे आगारप्रमुख महेंद्र पाटील यांनी अभिनंदन केले व आभार मानले. भविष्यात देखील अशीच उत्कृष्ट कामगिरी सातत्याने टिकविण्याचे आवाहन केले.