![Bribe Crime](http://media.assettype.com/esakal%2F2024-06%2F0fbafcc1-c6e6-420d-beeb-18aef889d4ec%2FNashik_News.jpg?rect=0%2C0%2C1200%2C675&w=480&auto=format%2Ccompress&fit=max)
जळगाव, ता. ६ ः सात बारा उताऱ्यावर वडिलांसह आते भावाचे नाव कमी करून आईचे नाव लावण्यासाठी पाच हजारांची लाच स्वीकारणाऱ्या मंडलाधिकारी किरण खंडू बाविस्कर याला लाचलुचपत प्रतिबंधक विभागाने अटक केली. जळगावातील तक्रारदाराने सात बारा उताऱ्यावर वडिलांसह आते भावाचे नाव कमी करून आईचे नाव लावण्यासाठी पिंप्राळा कार्यालयात अर्ज केला होता. मंडलाधिकारी किरण खंडू बाविस्कर यांनी तक्रारदाराकडून सुरवातीला दहा हजार रुपयांची मागणी केली होती. (Jalgaon crime Mandal officer arrested for accepting bribe)
तडजोडीअंती एसीबी पथकाने पंचासमक्ष केलेल्या पडताळणीत पाच हजार रुपयांची लाच मागितल्याचे निष्पन्न झाले. पोलिस उपअधीक्षक सुहास देशमुख यांच्यासह पथकातील उपनिरीक्षक दिनेशसिंग पाटील, बाळू मराठे, राकेश दुसाने, एन. एन. जाधव, उपनिरीक्षक सुरेश पाटील, रवींद्र घुगे, शैला धनगर, किशोर महाजन, सुनील वानखेडे, प्रदीप पोळ, प्रणेश ठाकूर, अमोल सूर्यवंशी, सचिन चाटे यांनी सापळा रचून मंडलाधिकारी किरण बाविस्कर यांनी पाच हजारांची रक्कम स्वीकारताच ताब्यात घेतले. याबाबत रामानंदनगर पोलिस ठाण्यात गुन्हा दाखल झाला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.