चोपडा : चारचाकी वाहनातून दाटीवाटीने बेकायदेशीररित्या गाय व वासरांची वाहतूक करणाऱ्या वेगवेगळ्या दोन घटनांत छत्रपती संभाजीनगर व जालना जिल्ह्यातील पाच जणांविरुद्ध बुधवारी (ता.३१) मध्यरात्री चोपडा शहर पोलिसांनी कारवाई केली. त्यात दोन्ही मिळून १४ लाख रुपयांचा मुद्देमाल पोलिसांनी जप्त केला. पाच जणांविरोधात चोपडा शहर पोलिसांत गुन्हा दाखल करण्यात आला आहे. (Police seized 14 lakh worth of goods including eight animals)
बुधवारी मध्यरात्री दीडच्या सुमारास अमोल शिवाजी सुरळकर (वय २२), गणेश रमेश राऊत (वय २६), आकाश दादाराव राऊत (२१, सर्व रा. शिवना ता. सिल्लोड जि. संभाजीनगर), योगेश मिरचंद रिसवाल (२५, रा. आडगाव भोंबे ता. भोकरदन) हे चौघे दोन बोलेरो चारचाकी वाहनातून अवैधरित्या, दाटीवाटीने एक लाख ८० हजार रुपये किमतीच्या सहा जर्सी गायी व दहा हजारांचे दोन वासरू घेऊन जात होते. त्यांना पोलिसांनी शहरातील गोल मंदिराजवळ पकडले. त्यात वाहनासह आठ लाख ९० हजारांचा मु्देमाल जप्त करण्यात आला. (latest marathi news)
दुसऱ्या घटनेत बुधवारी (ता.३१) मध्यरात्री तीनच्या सुमारास तालुक्यातील चुंचाळे गावाजवळ बोलेरो चारचाकी वाहनातून अभिषेक कौतिक तायडे (२३, रा. शिवना ता. सिल्लोड) हा अवैधरित्या ९० हजार किंमतीच्या तीन जर्सी गाई व पाच हजार रुपये किमतीचे एक वासरू घेऊन जात असताना पोलिसांनी पकडले आहे.
त्यात वाहनासह चार लाख ९५ हजार रुपये किंमतीचा मुद्देमाल जप्त केला आहे. पोलिस कॉनस्टेबल योगेश बोडके यांच्या फिर्यादीवरून अभिषेक तायडे याच्याविरोधात चोपडा शहर पोलिस ठाण्यात गुन्हा दाखल करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
