भुसावळ : येथील माजी नगरसेवक संतोष बारसे व सामाजिक कार्यकर्ते सुनील राखुंडे यांचा जुन्या वादातून गोळीबार करून निर्घृण खून करण्यात आला होता. या गुन्ह्यात यापूर्वी पाच जणांना अटक केली आहे. सहाव्या संशयित आरोपीला वरणगाव येथून अटक करण्यात भुसावळ पोलिसांना यश आले. (Jalgaon Crime Sixth suspect arrested in Bhusawal double murder)
या गुन्ह्याच्या तपासात आतापर्यंत पाच संशयित आरोपींना अटक करण्यात आली आहे. एका आरोपीकडून गावठी पिस्तूल व काडतुसे जप्त करण्यात आली आहेत. शनिवारी (ता.२२) दुपारी बाजारपेठ पोलिस ठाण्याचे निरीक्षक गजानन पडघन यांना गोपनीय माहिती मिळाली.
त्यानुसार त्यांनी वरणगाव शहरातील साक्री फाटा येथे संशयित आरोपी नितीन पथरोड याला सापळा रचून अटक केली. त्याला भुसावळ बाजारपेठ पोलिस ठाण्यात आणण्यात आले. त्यानंतर पुढील कायदेशीर कारवाई करण्यात आली. दरम्यान, या खुनातील मुख्य संशयित आरोपी अद्याप फरार आहे. (latest marathi news)
पोलिसांकडून त्यांचा शोध घेण्याचे काम सुरू आहे. ही कारवाई पोलिस अधीक्षक डॉ. महेश्वर रेड्डी, अपर पोलिस अधीक्षक अशोक नखाते, उपविभागीय पोलिस अधिकारी कृष्णात पिंगळे, निरीक्षक गजानन पडघन यांच्या मार्गदर्शनाखाली पोलिस हेड कॉन्स्टेबल विजय नेरकर, यासीन पिंजारी, महेश चौधरी, जावेद शाह, सचिन चौधरी आदी कर्मचाऱ्यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
