अडावद (ता. चोपडा) : अडावदसह परिसरात गुरुवारी (ता. ६) दुपारी साडेतीनच्या सुमारास वादळासह जोरदार पाऊस झाला. त्यात केळीचे पीक पूर्णपणे आडवे पडले आहे. त्यामुळे पिकांचे मोठ्या प्रमाणात नुकसान झाले. दरम्यान, नुकसानाचे तातडीने पंचनामे करण्यात यावे, अशी मागणीही नुकसानग्रस्त शेतकऱ्यांनी केली आहे. (Jalgaon Damage to banana plantation due to stormy rain in Adavad)
अडावदसह परिसरात गुरुवारी दुपारी साडेतीनच्या सुमारास वादळवाऱ्यासह जोरदार पाऊस झाला. अनेक शेतकऱ्यांच्या कांदेबाग केळीचे ८० टक्के नुकसान झाले. वादळी वाऱ्यासह केळीचे पीक पूर्णपणे जमीनदोस्त झाले आहे. निसणीचा आलेला कांदेबाग पूर्णपणे जमीनदोस्त झाला आहे.
दोन महिन्यांत आलेला तोंडचा घास शेतकऱ्यांकडून हिरावून घेतला आहे. त्यामुळे शेतकरी चिंताग्रस्त झाला आहे. अगोदरच केळीला मिळणाऱ्या कमी भावामुळे शेतकरी चिंताग्रस्त आहे. या वादळी वाऱ्याने शेतकऱ्यांच्या चिंतेत अजून भर पडली आहे. या अगोदर मेमध्ये आठ ते दहा दिवस अतितापमानामुळे अनेक शेतकऱ्यांच्या केळीबागांचे नुकसान झाले होते. (latest marathi news)
त्यातच गुरुवारी आलेल्या वादळीपावसामुळे त्या नुकसानीत भर पडली आहे. त्यामुळे शेतकरी चिंताग्रस्त झाले आहेत. वरिष्ठांनी याबाबत गांभीर्याने दखल घेऊन केळीच्या नुकसानीचे तातडीने पंचनामे करावेत, अशी मागणी नुकसानग्रस्त शेतकऱ्यांना शासनाकडे केली आहे.
"या वादळी पावसामुळे येत्या दोन महिन्यांत ऐनवेळी कापणीवर येणाऱ्या केळी कांदेबागाची शेतकऱ्यांचे लाखो रुपयांचे नुकसान झाले आहे. अडावद आणि परिसरातील केळी बागायतदार शेतकरी आर्थिक संकटात सापडला आहे. शासनाने शेतकऱ्यांना मदत करावी."
- गौरव कासट, शेतकरी, अडावद (ता. चोपडा)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
