जळगाव : जिल्हा दूध उत्पादक संघाच्या संचालकपदाच्या निवडणुकीसाठी बुधवार (ता. ९)अखेर ३४८ उमेदवारी अर्जांची विक्री झाली, तर ८५ अर्ज दाखल झाले आहेत. आमदार संजय सावकारे, आमदार किशोर पाटील, माजी खासदार ॲड. वसंतराव मोरे आदींनी अर्ज दाखल केले आहेत. गुरुवारी (ता. १०) अर्ज भरण्याचा शेवटचा दिवस आहे.
शिवाजीनगरातील जिल्हा दूध संघाच्या कार्यालयातच निवडणूक कार्यालय आहे. उमेदवारी अर्ज घेण्यासाठी व दाखल करण्यासाठी बुधवारी गर्दी झाली होती. बुधवारी तब्बल ३२ उमेदवारी अर्जांची विक्री झाली. आजपर्यंत एकूण ३४८ अर्जांची विक्री झाली आहे, तर उमेदवारी अर्ज दाखल करण्यासाठी अधिक गर्दी होती. तब्बल ८५ अर्ज दाखल करण्यात आले. ( Jalgaon District Milk Union Sale of 348 applications 85 applications filed Jalgaon News)
दिग्गजांचे अर्ज
निवडणुकीच्या मैदानात अनेक दिग्गज उतरले आहेत. पाचोरा येथील शिंदे गटाचे आमदार किशोर धनसिंग पाटील, भुसावळ येथील भाजपचे आमदार संजय सावकारे, जिल्हा दूध संघाचे प्रभारी अध्यक्ष व माजी खासदार ॲड. वसंतराव मोरे, पाचोरा येथील राष्ट्रवादी काँग्रेसचे माजी आमदार दिलीप वाघ, राष्ट्रवादी काँग्रेस सहकार विभागाचे जिल्हाध्यक्ष वाल्मीक पाटील आदींनी उमेदवारी अर्ज दाखल केले आहेत.
आज शेवटचा दिवस
उमेदवारी अर्ज दाखल करण्याचा गुरुवारी (ता. १०) शेवटचा दिवस आहे. दुपारी तीनपर्यंत उमेदवारी अर्ज दाखल करता येणार आहेत. त्यामुळे गुरुवारी उमेदवारी अर्ज दाखल करण्यासाठी अधिक गर्दी होण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
