Jalgaon Eid-e-Milad-un-Nabi : मुस्लिम बांधवातर्फे शहरातील विविध परिसरातून ईद-ए-मिलादुन्नबीनिमित्त मिरवणूक (जुलूस) काढण्यात आली. शहरातील अहेले सुन्नत वल जमातच्यावतीने बुधवारी (ता. १८) उत्साहात व जल्लोषात मरकझी (मुख्य) जुलुसे ईद-ए-मिलादुन्नबीचे आयोजन केले होते. (Eid e Miladunnabi in jalgaon city)
मिरवणुकीच्या(जुलूस) च्या अग्रभागी सजविलेल्या तीन बग्गीत ज्येष्ठ धर्मगुरू आसनस्थ झाले हेाते. मिरवणुकीत अबाल-वृद्धांनी धार्मिक ध्वज पताका घेत जशने ईद मिलादुन्नबी जिंदाबाद, नारा ए तकबीर अल्लाहू अकबर अशा विविध घोषणांनी परिसर दणाणून सोडला. मिरवणूक सुभाष चौकात आल्यावर पारंपरिक पद्धतीने अजान देण्यात आली.
सुभाष चौकात पोलिस प्रशासनातर्फे मिरवणुकीचे (जुलूस) स्वागत करण्यात आले. सहभागी भक्तांना शरबत आणि मिठाई, नानखटाई वाटप करण्यात आली. सकाळी सहाला भिलपुरा चौकातून घाणेकर चौक, सुभाष चौक, आठवडे बाजार चौक नेरी नाका, अजिंठा रोडवरील मुस्लिम कब्रस्तानात मौलाना जाबीर रजा, मौलाना वासेफ रजा या धर्मगुरुचे प्रवचन होऊन सांगता करण्यात आली. (latest marathi news)
विश्वशांतीसाठी प्रार्थना
या प्रसंगी जळगाव येथील जुलूस कमिटी, सुन्नी जामा मशीद, सय्यद अयाज अली नियाज अली यांच्यावतीने समाज बांधवांचे स्वागत करून जळगाव जिल्हा पोलिस दल, जळगाव शहर महानगरपालिका व समाज बांधवांचे जुलूस यशस्वी करण्यासाठी केलेल्या सहकार्याचे आभार व्यक्त करून मौलाना नजमूल हक यांनी देशाच्या सुरक्षा, प्रगती, विकासासाठी व शांततेसाठी दुआ (प्रार्थना) केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
