पारोळा : चार कामांची वर्कऑर्डर काढून देण्यासाठी एक लाख ८० हजारांची लाचेची मागणी करणाऱ्या येथील पंचायत समितीचे कंत्राटी सहाय्यक कार्यक्रम अधिकारी कल्पेश ज्ञानेश्वर बेलदार (वय २८) यांना एक लाख रुपयांची लाच स्वीकारताना जळगाव येथील लाचलुचपत विभागाच्या पथकाने रंगेहाथ पकडले. एका ग्रामपंचायतींतर्गत महात्मा गांधी रोजगार हमी योजनेतून काँक्रिट व पेव्हर ब्लॉक बसविण्याची चार कामे त्या ग्रामपंचायतीच्या सरपंचाच्या मुलाला मिळाली होती. (Extension officer along with assistant arrested while taking bribe)
या चार कामांची वर्कऑर्डर मिळवून देतो. त्यासाठी विस्ताराधिकारी व गटविकास अधिकाऱ्यांसह माझे अशी मिळून एक लाख ८० हजार रुपये इतकी लाच द्यावी लागेल, असे सांगितले. तक्रारदाराने जळगाव येथील लाचलुचत प्रतिबंधक विभागाला कळविल्यानंतर पथकाने सापळा रचला. त्यानुसार शुक्रवारी (ता. २०) कल्पेश बेलदार याला एक लाख रुपये रोख स्वीकारताना पथकाने रंगेहाथ पकडले.
या कारवाईनंतर ही रक्कम घेण्यासाठी मला विस्ताराधिकारी सुनील पाटील यांनी सांगितले होते, असा जबाब दिल्यावरून सुनील पाटील व कल्पेश बेलदार यांना लाचलुचपत प्रतिबंधक विभागाच्या पथकाने ताब्यात घेतले. त्यांच्यावर येथील पोलिसांत गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
