Jalgaon News : पारोळ्यात महामार्गावर जीवघेणा खड्डा; प्राधिकरणाचे दुर्लक्ष

Jalgaon News : येथील शहरालगत राष्ट्रीय महामार्ग ५३ गेला आहे. मात्र या मुख्य रस्त्यावरील कजगाव चौफुलीलगत जीवघेणा खड्डा बऱ्याच दिवसांपासून पडला असून, याकडे महामार्ग प्राधिकरण हे लक्ष देत नसून यामुळे अपघात होण्याची शक्यता नाकारता येणार नसून तत्काळ याबाबत खड्डा बुजविण्याची मागणी करण्यात आली आहे. शहरालगत राष्ट्रीय महामार्ग गेला आहे. ( Fatal potholes on highway in Parola neglected by authorities )

या महामार्गालगत महत्त्वपूर्ण कासोदा रोड, भडगाव रोड, कजगाव रोड, अमळनेर रोड, धुळे रोड असे रस्ते गेले आहेत. त्याच प्रमाणे या मुख्य रस्त्यावर बसस्थानक आहे. त्यामुळे दुचाकी, चारचाकी व बसच्या फेऱ्या मोठ्या प्रमाणात असतात. तसेच कजगाव चौफुलीवरून चाळीसगावकडे तर या चौफुलीवरून शहरात येण्याचा मुख्य मार्ग आहे.

त्यामुळे या परिसरात वाहनधारकांसह ये-जा करणाऱ्यांचे मोठे प्रमाण आहे. असे असताना देखील या रस्त्यावरील भला मोठा खड्ड्याकडे दुर्लक्ष का केले जाते, असा सवाल सामाजिक संघटनांनी उपस्थित केला आहे. विशेष म्हणजे, या रस्त्यावरून लोकप्रतिनिधींसह अनेक शासकीय अधिकाऱ्यांची वाहने ये-जा करतात. (latest marathi news)

तरीदेखील या महामार्गावरील खड्ड्याकडे आपसूकपणे दुर्लक्ष करून प्रवास करीत आहे. बऱ्याचदा या खड्ड्यांमुळे वाहनधारकांमध्ये ‘तू-तू मै-मै’ झाली आहे. तसेच याच चौफुलीवर मोठ्या प्रमाणात वाहतुकीची कोंडी होते. असे असताना देखील या खड्ड्याकडे कानाडोळा का होत आहे. हा प्रश्न वाहनधारकांसह शहरवासीयांना पडला आहे.

खड्डा तत्काळ बुजवा, अन्यथा...

राष्ट्रीय महामार्गावरील कजगाव चौफुली महत्त्वपूर्ण मानली जाते. मात्र त्याच चौफुलीवर रस्त्याच्या कडेला खड्डा पडल्यामुळे वाहनधारकांना कसरत करून वाहने न्यावी लागत आहेत. दरम्यान, याबाबत तत्काळ राष्ट्रीय महामार्ग प्राधिकरण यांनी लक्ष न दिल्यास सामाजिक संघटना रस्त्यावर येणार असल्याचे संघटना प्रमुख यांनी सांगितले. दरम्यान, याबाबत संबंधित अधिकाऱ्यांशी संपर्क साधण्याचा प्रयत्न केला असता तो होऊ शकला नाही.