Jalgaon Fraud Crime : ट्रेडींगच्या नावाखाली 13 लाखांना गंडा

Jalgaon Fraud : ऑनलाईन ट्रेडींगच्या नावाखाली आदर्शनगरातील रहिवासी तथा खासगी कंपनीच्या वरिष्ठ अधिकाऱ्याला तब्बल १२ लाख ६७ हजार ५०० रुपयांचा ऑनलाईन गंडा घालण्यात आला. योगेश वसंत हेबाळकर (वय ५४) आदर्शनगरात कुटुंबीयासह राहतात. ते एका खासगी कंपनीत मोठ्या पदावर नोकरीला आहेत. (Jalgaon Fraud 13 lakh cheated in name of trading)

योगेश हेबाळकर यांच्या व्हॉट्‌सॲप क्रमांकावर तीन जणांनी संपर्क साधून त्यांना ट्रेडिंगमध्ये गुंतवणूक करण्यास सांगितले. त्यानुसार त्यांच्याकडून १८ डिसेंबर २०२३ ते ७ मार्च २०२४ यादरम्यान वेळोवेळी एकूण १२ लाख ६७ हजार ५०० रुपये ऑनलाईन पद्धतीने विविध बँक खात्यात स्वीकारले.

त्यानंतर मात्र त्यांना कोणताही नफा, मोबदला न देता मुद्दल रक्कमही दिली नाही. वारंवार पाठपुरावा करून आपली रक्कम परत मिळत नसल्याचे लक्षात आल्यानंतर श्री. हेबाळकर यांनी शनिवारी (ता. ६) रात्री साडेआठच्या सुमारास दिलेल्या फिर्यादीवरून जळगाव सायबर पोलिस ठाण्यात तीन जणांविरुद्ध गुन्हा दाखल झाला आहे. पोलिस निरीक्षक दत्तात्रय निकम तपास करीत आहेत.