Jalgaon Monsoon Season : शहरात मध्यरात्रीनंतर पावसाची जोरदार बॅटिंग; गिरणा नदी भरली दुथडी

Jalgaon Monsoon Season : शहरात मध्यरात्री धुव्वाधार पाऊस झाला. सलग तीन ते चार तास पावसाने बॅटिंग केली. यामुळे शहरातील नाल्यांना पूर आला, तर गिरणा नदी दुथडी भरून वाहू लागली आहे. जोरदार पावसाने शेतकरी सुखावला असला, तरी अद्याप पेरण्यायोग्य पाऊस झाला नाही. यामुळे शेतकरी अजून चांगल्या पावसाची प्रतिक्षा करीत आहेत. मंगळवारी पावसाने उघडीप दिली. त्यामुळे उन्हाचा चटका बसत होता. (heavy rain in city in middle of night )

एमआयडीसी भागात रात्री पावणेअकराला जोरदार पाऊस झाला, तर शहरात मध्यरात्रीनंतर जोरदार पाऊस झाला. यामुळे वीजपुरवठा खंडित झाला होता. तो सकाळी सातपर्यंत खंडितच होता. जोरदार पावसामुळे शहरातील सखोल भागात पाणी साचून तळे तयार झाले होते. गटारींचे पाणी नाल्यात गेल्याने नालेही भरभरून वाहू लागले होते. जोरदार पावसाने रस्ते स्वच्छ झाले असले, तरी रस्ते नसलेल्या परिसरात चिखल झाला आहे.

यामुळे नागरिकांना कसरत करीत वाहने काढावी लागली. वीज गेल्याने रात्र नागरिकांना अंधारात काढावी लागली. महवितरण कंपनीची यंत्रणा जरासा पाऊस झाला तरी कुचकामी ठरते, ही शोकांतिका आहे. पाऊस सुरू असताना वीजपुरवठा बंद करणे समजू शकतो. मात्र, पाऊस बंद झाल्यानंतरही दोन ते तीन वीजपुरवठा खंडितच राहतो. महावितरण उन्हाळापासून वीजपुरवठा सुरळीत करण्यात अपयश ठरत असल्याचा आरोप नागरिकांनी केला.

दुपारी असहाय्य उकाडा

शहरात सकाळी दहापर्यंत ढगाळ वातावरण होते. दुपारनंतर मात्र अचानक उन्हाचा तडाखा वाढून असहाय्य उकाडा होत होता. कार्यालय, घरात पंखा लावूनही चिकट घाम येत होता. पाऊस पडल्यानंतर वातावरणात गारवा पाहिजे. मात्र, उष्णता जाणवत होती. (latest marathi news)

शहरासह जिल्ह्यात गेल्या २४ तासात झालेला पाऊस

तालुका--मिलिमीटर

जळगाव--२८.१

भुसावळ--२.२

यावल--१२.८

रावेर--१.२

मुक्ताईनगर--९.७

अमळनेर--२.६

चोपडा--४.२

एरंडोल--५३.५

पारोळा--५.७

चाळीसगाव--८.३

जामनेर--३७.९

पाचोरा--५०.८

भडगाव--२४

धरणगाव--१४.५

बोदवड--१२.५

सरासरी--१७.७ मिलिमीटर