Jalgaon Holi Festival : ‘दुर्गूणां’चे दहन करीत होळी पारंपरिक पद्धतीने साजरी

Jalgaon Holi Festival : दुर्गूणांची होळी करीत आज विविध ठिकाणी पर्यावरणपुरक होळी साजरी करण्यात आली. ‘होळी रे...होळी.. पुरणाची पोळी...अशा घोषणा देत होळीचे पूजन करीत होळी पारंपरिक पद्धतीने सायंकाळी साजरी झाली. होळी करण्यासाठी कालपासूनच युवकांनी आपापल्या परिसरात खड्डा खेादला. काहींनी वर्गणी जमा केली. त्याच्या गोवऱ्या, लाकडे आणली. (Jalgaon Holi festival)

एरंडाचे झाड खड्यात रोवून त्याभोवती गोवऱ्या रचण्यात आल्या. नंतर संबंधित परिसरातील मान्यवरांच्या हस्ते होळीचे पूजन करून होळी पेटविण्यात आली. महिलांनी पुरणाची पोळी, खिर, भजे, वडे आदी नैवेद्य दाखविण्यात आला.

काहींनी नारळ होळीत अर्पण केले. रात्री उशिरापर्यंत होळीच्या सभोवती बसून युवकांसह राजकारणासह विविध विषयावर गप्पांचे फड रंगले. (latest marathi news)

धुलीवंदनाची तयारी...

धुलीवंदन अर्थात रंगपंचमी उद्या (ता.२५) साजरी करण्यासाठी आज बाजारपेठेत विविध प्रकारचे रंग खरेदीसाठी गर्दी झाली होती. नैसर्गिक रंगापासून आइल पेंटचे रंगांना आज मागणी होती. लहान मुले विविध प्रकारच्या पिचकाऱ्या, पाण्याचे फुगे खरेदीसाठी बाजारात आल्याचे चित्र होते.