![Education department staff present while delivering books to schools.](http://media.assettype.com/esakal%2F2024-06%2F914747ea-f81c-40da-8879-51fcd9d84378%2Fjalgaon_News___2024_06_15T111429_878.jpg?rect=0%2C0%2C1200%2C675&w=480&auto=format%2Ccompress&fit=max)
School First Day : तालुक्यात प्रत्येक शाळेवर विद्यार्थ्यांचे पहिल्याच दिवशी जंगी स्वागत होणार आहे. समग्र शिक्षा अभियानांतर्गत भडगाव तालुक्यातील सर्व जिल्हा परिषद, शासकीय अनुदानित व खासगी अनुदानित शाळांमधील पहिली ते आठवीपर्यंतच्या सर्वच विद्यार्थ्यांना पहिल्याच दिवशी पाठ्यपुस्तके दिली जाणार आहेत. २०२२-२३ च्या विद्यार्थी संख्येनुसार ६३ हजार ३०० पाठ्यपुस्तके मिळाली आहेत. (In Bhadgaon 97 percent books were received on first day )
शाळा उघडण्यापूर्वी शाळांना पुस्तके वाटप केली आहेत, अशी माहिती गटशिक्षणाधिकारी गणेश पाटील यांनी दिली. गट साधन केंद्रातील कर्मचारी, समावेशित विशेष तज्ज्ञ निंबा परदेशी, सुभाष माळी, मनोहर माळी, किशोर पुजारी, मिलिंद सोनवणे, जितेंद्र माने, छाया देसले, किशोर पाटील, छाया ढोले व शिवाजी भोसले यांनी नियोजन केले आहे.
विद्यार्थ्यांचे होणार स्वागत
तालुक्यातील प्रत्येक शाळेत मिष्टान्न भोजन दिले जाईल. पुस्तके वाटप होतील. त्याअनुषंगाने सर्व मुख्याध्यापकांना शिक्षण विभागाने सूचना दिल्या आहेत. काही ठिकाणी पालक सभा होणार आहेत. (latest marathi news)
शाळांच्या दुरुस्त्यांचा विषय मार्गी
जिल्हा परिषद शाळांची लोकसभा निवडणुकीवेळी दुरुस्ती झाली होती. काही गावांमध्ये जिल्हा नियोजन मंडळातून, तर काही ठिकाणी ग्रामपंचायतीच्या पंधराव्या वित्त आयोगातून निधी दिला होता. त्या माध्यमातून शाळा खोल्यांचे कामे झाली आहेत. त्यामुळे पावसाळ्यात तालुक्यात शाळांना गळतीचा विषय नसल्याचे शिक्षण विभागाकडून सांगण्यात आले. काही गावांत लोकसहभागातून शाळांचे रूपडे पालटले आहे. तालुक्यात वडगाव सतीचे येथे मराठी शाळेत व पिंपरखेड येथील उर्दू शाळेत प्रत्येकी एक शिक्षकांची आवश्यकता आहे. उर्वरित सर्व शाळांत पटसंख्येनुसार शिक्षक आहेत.
''शाळेच्या पहिल्याच दिवशी विद्यार्थ्यांना प्रवेशित वर्गाची पुस्तके मिळाल्याने त्यांचा आनंद द्विगुणीक होतो. त्यासोबतच त्यांची उपस्थितीही टिकून राहते. पहिल्याच दिवशी विद्यार्थ्यांना पुस्तके देण्यासाठी आम्ही कटिबद्ध आहोत. त्याचबरोबर सर्व शाळा खोल्या सुस्थितीत आहेत.''-गणेश पाटील, गटशिक्षणाधिकारी, भडगाव
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.