Jalgaon Leopard News : पालच्या जंगलात बिबट्याचे दर्शन; आज लख्ख चांदण्या रात्री वन्यप्रेमीना जंगली प्राण्याचा सहवास

Jalgaon Leopard News : पाल (ता.रावेर) येथील वनक्षेत्रात काल रात्री साडे अकराच्या सुमारास यावल वनविभागाच्या कर्मचारी गस्त घालत असताना बिबट्याचे दर्शन घडले. तर आठ दहा दिवसांपूर्वी याच परिसरात पट्टेदार वाघाचेही दर्शन घडल्याचे सांगण्यात आले. यावरून चोपडा ते पाल दरम्यान असलेल्या जंगलात अनेक बिबटे, अस्वल आदी प्राणी असल्याचे सिद्ध होते. अशी माहिती यावल वन विभागाचे उपवनसंरक्षक जमीर एम. शेख यांनी दिली. (Jalgaon Leopard sighting in Pal forest )

जंगलात वनविभागातर्फे दररोज पेट्रोलिंग होते. त्याचदरम्यान बिबट्या दबा धरून बसलेला होता. त्याचा फोटो मोठ्या शिताफीने अंधारात काढण्यात आला. नंतर बिबट्या निघून गेल्यानंतर पुन्हा पेट्रोलिंग सुरू करण्यात आली.

आज प्राणी निरीक्षण

यावल वन विभागातील चोपडा वनक्षेत्रापासून ते रावेर वनक्षेत्रामधील ठिकठिकाणी जंगल भागात प्राणी गणनेसाठी उद्या (ता.२३)बुद्धपौर्णिमेच्या रात्री चंद्राच्या लख्ख प्रकाशात संपूर्ण रात्र जंगलातील थरार अनुभवण्याची संधी वन्यजीव प्रेमींना मिळणार आहे.

यासाठी विविध ४३ ठिकाणी मचाण तयार केले आहेत. जिल्हाधिकारी आयुष प्रसाद, पोलिस अधीक्षक डॉ. महेश्‍वर रेड्डी, रेल्वेचे डीआरएम इति पांडे या मोहिमेत सहभागी होणार आहेत.