Jalgaon News : जळगावमध्ये आजपासून महासांस्कृतिक महोत्सव

Jalgaon News : जिल्हा प्रशासन आणि सांस्कृतिक विभागातर्फे बुधवारपासून (ता.२८) ते ३ मार्च या कालावधीत महासांस्कृतिक महोत्सवाचे आयोजन करण्यात आले आहे. महोत्सवाची तयारी आज पूर्ण करण्यात आली आहे.

पोलिस कवायत मैदानावर सायंकाळी साडेपाचला उद्‌घाटन होईल. ग्रामविकास मंत्री गिरीश महाजन, पालकमंत्री गुलाबराव पाटील, मदत व पुनर्वसन, आपत्ती व्यवस्थापन मंत्री अनिल पाटील यांच्याहस्ते उद्‌घाटन होईल. (Jalgaon mahasanskruti mahotsav)

खासदार रक्षा खडसे, खासदार उन्मेश पाटील, आमदार एकनाथराव खडसे आदी लोकप्रतिनिधी उपस्थित राहतील. जळगावकरांनी याचा लाभ घ्यावा, असे आवाहन जिल्हाधिकारी आयुष प्रसाद, पोलिस अधिक्षक एम्‌. रेड्डी, जिल्हा परिषदेचे मुख्य कार्यकारी अधिकारी अंकित यांनी केले आहे.

पहिल्या दिवशी बुटगुंडा, भारुड, पारंपरिक गीते सादर होतील. जिजाऊंच्या लेकी पोवाडा, शिवकालीन लोक कला, करपावली सादर होईल. सायंकाळी साडेसातला महाराष्ट्राची हास्ययात्रा’ सादर होईल. (Latest Marathi News)

२९ फेब्रुवारीस सायंकाळी साडेपाचला पारंपरिक लोक कला, नृत्य कक्कर, शिवकालीन मर्दानी खेळ, लोकनाट्य - किंगरी सादर होईल. महोत्सवात पाचही दिवस ग्रामीण विकास यंत्रणेतर्फे महिला बचतगटांचा सरस महोत्सव होईल

२९ रोजी डॉ. सलिल कुलकर्णी दिग्दर्शित आयुष्यावर बोलू काही, १ मार्चला सन्मीता धापटे-शिंदे, चैतन्य कुलकर्णी प्रस्तुत ‘सुरसंस्कृती’, २ मार्चला महाराष्ट्राची संस्कृती दर्शविणारा ‘गर्जा सुवर्ण महाराष्ट्र’ हा कार्यक्रम सादर होणार आहे. ३ मार्च रोजी मुंबई साहित्य संघ निर्मित व उपेंद्र दाते दिग्दर्शित ‘रायगडाला जेव्हा जाग येते’ या नाटकाचे आयोजन करण्यात आले आहे.