Jalgaon News : राष्ट्रवादी कॉंग्रेसचा रविवारी मेळावा! प्रदेशाध्यक्ष जयंत पाटील यांची उपस्थिती

Jalgaon News : राष्ट्रवादी काँग्रेस (शरदचंद्र पवार) पक्षाचे प्रदेशाध्यक्ष जयंत पाटील रविवारी (ता. २१) जळगाव जिल्ह्याच्या दौऱ्यावर येत आहेत. सकाळी साडेदहाला शिरसोली रोडवरील श्रीकृष्ण लॉन्समध्ये मेळावा होईल. त्या पार्श्वभूमीवर राष्ट्रवादी काँग्रेसच्या जिल्हा पदाधिकाऱ्यांची बैठक राष्ट्रवादी काँग्रेस कार्यालयात झाली. (NCP meeting on Sunday Presence of State President Jayant Patil)

विधानसभेचे माजी अध्यक्ष अरुणभाई गुजराथी, माजी मंत्री गुलाबराव देवकर, पक्षाचे निरीक्षक प्रसन्न पाटील, माजी आमदार बी. एस. पाटील, अरुण पाटील, राजीव देशमुख, सहकार आघाडीचे जिल्हाध्यक्ष वाल्मीक पाटील.

डी. के. पाटील, डॉ. मनोहर पाटील, अशोक लाडवंजारी, वाय. एस. महाजन उपस्थित होते. रविवारी जिल्हास्तरीय मेळाव्यानंतर विधानसभानिहाय कार्यकर्ते व पदाधिकाऱ्यांच्या स्वतंत्र बैठका होतील. (latest marathi news)

जिल्हाध्यक्षपद अनिर्णयीतच...

लोकसभेत जळगाव जिल्ह्यात झालेल्या पराभवानंतर राष्ट्रवादी काँग्रेस (शरदचंद्र पवार) पक्षाच्या जिल्हास्तरीय कार्यकारिण्या बरखास्त केल्या होता. नवीन जिल्हाध्यक्षासाठी अनेक इच्छुक आहेत. त्याचा अहवालही पक्षाच्या वरिष्ठांकडे गेला आहे. तरीही जिल्हाध्यक्ष निवडला गेलेला नाही. या बैठकीत जिल्हाध्यक्ष निवडला जातो का, याकडे पदाधिकाऱ्यांचे लक्ष लागून आहे.