जळगाव : नशिराबाद (ता. जळगाव) येथील माहेरवाशीण विवाहितेचा कौटुंबिक वादातून छळ करणाऱ्या पतीसह सासरच्या सहा जणाविरुद्ध गुन्हा दाखल झाला आहे. पहिल्या पत्नीला सोडून दिल्यावर पुन्हा घरोबा करणाऱ्या नवरोबासह सासरच्या मंडळीविरुद्ध पीडितेने तक्रार दिली आहे.
नशिराबाद येथील माहेर असलेल्या सालेहा मोहसीन मणियार (वय २६) यांचा शिंदखेडा (जि. धुळे) येथील मोहसीन खान रऊफ खान मणियार यांच्याशी विवाह झाला आहे. पहिल्या पत्नीशी कुठलेही संबंध ठेवू नये, यासाठी सालेहा यांनी पती मोहसीन यांना विरोध केला. यावरून पतीसह सासरच्या मंडळींनी सालेहा यांना शिवीगाळ करून छळ केला.
छळ असह्य झाल्याने सालेहा माहेरी निघून आल्या. याबाबत शनिवारी (ता. १२) सालेहा यांनी दिलेल्या तक्रारीवरून पती मोहसीन, सासरे रऊफ खान मणियार, सासू नजमाबी खान मणियार, जेठ मुश्ताक खान मणियार, नणंद फरजानाबी फारुख मणियार व मोहंमद फारुख अब्दुल सत्तार (सर्व रा. शिंदखेडा, जि. धुळे) यांच्याविरोधात नशिराबाद पोलिसांत गुन्हा दाखल झाला आहे. पोलिस नाईक अतुल महाजन तपास करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
