एरंडोल : शहरासह ग्रामीण भागात रविवारी (ता. २३) मध्यरात्रीपासून सोमवारी (ता. २४) पहाटेपर्यंत सर्वत्र जोरदार पाऊस पडल्यामुळे खरीप पिकांना जीवदान मिळाले आहे. उष्णतेमुळे त्रस्त झालेल्या नागरिकांना हवेत गारवा निर्माण झाल्यामुळे काही प्रमाणात दिलासा मिळाला आहे. (Rain Misled by revenue administration regarding rain in Erandol taluka )
शहरासह ग्रामीण भागात सर्वत्र जोरदार पाऊस झाल्यानंतरही महसूल प्रशासनातर्फे अत्यल्प पावसाची नोंद करून नागरिकांची दिशाभूल केली जात आहे. तालुक्यात आठ दिवसांपासून पावसाने ओढ दिल्यामुळे दुबार पेरणीचे संकट निर्माण झाले होते. शेतकरी रोज पावसाची प्रतीक्षा करीत होते.
सुमारे दहा दिवसांच्या विश्रांतीनंतर रविवारी मध्यरात्री पावसाचे आगमन झाले. सुमारे चार ते पाच तास तालुक्यात सर्वत्र पाऊस पडल्यामुळे शेतकऱ्यांना दिलासा मिळाला आहे. पावसामुळे भालगाव, खडके लघु तलावात काही प्रमाणात जलसाठा झाल्यामुळे शेतकऱ्यांना दिलासा मिळाला आहे. (latest marathi news)
शहरासह ग्रामीण भागातील अनेक गावांना पाणीपुरवठा करणाऱ्या अंजनी प्रकल्पातही पाण्याची आवक काही प्रमाणात सुरू झाली. सद्यस्थितीत अंजनी प्रकल्पात शून्य टक्के जलसाठा असून, मृत जलसाठ्यातून शहराला दुर्गंधीयुक्त पाणीपुरवठा करण्यात येत आहे. शहरात सुमारे चार तास जोरदार पाऊस झाल्यानंतरही महसूल प्रशासनातर्फे एरंडोल येथे केवळ सात मिलिमीटर पाउस झाल्याची नोंद करून नागरिकांची दिशाभूल केली जात आहे.
शहरात कमी पावसाच्या नोंदीमुळे पर्जन्यमापक यंत्राच्या सदोषपणाबद्दल प्रश्न उपस्थित केला जात आहे. रविवारी एरंडोल येथे केवळ सात मिलिमीटर, रिंगणगाव मंडलात बारा मिलीमीटर, कासोदा मंडलात २८ मिलिमीटर, तर उत्राण मंडलात शून्य मिलिमीटर पाऊस झाल्याचे महसूल प्रशासनातर्फे सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
