Jalgaon News : कपाशीच्या पेरणीत बाराशे हेक्टरने घट! बागायतीसह खरिपाच्या 96 टक्के पेरण्या; उडीद, मक्याच्या लागवडीत वाढ

रावेर : तालुक्यात बागायती कपाशीसह खरिपाच्या ९६ टक्के पेरण्या झालेल्या आहेत. त्यांची उगवणही छान झाली आहे. दरम्यान, कपाशीच्या पेरणीत बाराशे हेक्टरने घट झाली आहे. उडीद, मका, तलर पिकांच्या पेरणीत वाढ झाली आहे. गेल्या दोन दिवसां पासून तालुक्यात समाधान कारक पाऊस सुरू आहे. तालुक्यातील धरणांच्या साठ्यात वीस ते ३५ टक्के पाणी पातळीत वाढ झाली आहे. (Jalgaon Reduction in cotton sowing by 12 hundred hectares)

कापूस बागायती १४,९८२ हेक्टर, जिरायती कापूस ९८६ (१७,०४५), मका ३,७८९ (२,१५०), ज्वारी २,१९० (२,४५०), मूग ४८० (४५०), उडीद ६२० (९८०), तूर ८९० (७५०), सोयाबिन ६९० (७००) एकूण खरीप - २७,२६३ हेक्टर क्षेत्रावर ९६ टक्के पेरण्या झाल्या आहेत. भाजीपाला १९०, मसाला पीक - २०९०, फळपीक १७१, इतर १९४, हळद १,१६३, केळी १७,७८४, जुनी केळी ६,५०५.

कपाशी पेरणीत घट

मागील वर्षी कापसाला पुरेसा भाव नव्हता. यामुळे वर्षाच्या तुलनेत कपाशीच्या पेरणीत १ हजार १९४ हेक्टर क्षेत्र घटले आहे, तर ज्वारी २३५, सोयाबीन १६० हेक्टरने घट झाली आहे. तर उडीद ३०३ मका १८३, तूर १०० तसेच मूग व मसाले पीक हळद पिकाच्या पेरणीत वाढ झाली आहे. (latest marathi news)

धरण साठ्यात वाढ

तालुक्यात मागील वर्षाच्या तुलनेत कमी पाऊस झाला. गेल्या दोन, तीन दिवसांपासून तालुक्यात समाधानकारक पाऊस पडत आहे. आतापर्यंत २२६ मिलिमीटर पावसाची नोंद झाली आहे. तालुक्यातील सहा प्रकल्पांपैकी मंगरूळ ७४.६२ टक्के, सुकी ८४.९१ टक्के तर अभोरा धरणात ६१.३७ टक्के जलसाठा आहे. या धरणांमध्ये २० ते ३५ टक्के जलसाठ्यात वाढ झाली आहे. मागील वर्षी सर्व धरणे ओव्हर फ्लो होऊन नदी, नाले दुथडी भरून वहात होते. मात्र या वर्षी नदी नाल्यांना अद्याप ही पूर आलेला नाही.