पाचोरा : येथील भडगाव रोड भागातील कृषी उत्पन्न बाजार समितीच्या तिन्ही गेटसमोर पडलेले मोठमोठे खड्डे पालिकेने बुजविले असून, ‘सकाळ’मध्ये यासंदर्भात वृत्त प्रसिद्ध झाल्यानंतर पालिकेने ही कायवाही केली आहे. २९ एप्रिलला पालिकेच्या पथकाने बाजार समितीच्या तिन्ही गेटसमोरील रस्त्यावर पडलेले मोठमोठे खड्डे बुजवून रस्ता वाहतूक योग्य केला. (jalgaon SAKAL Impact Road potholes in Pachora news)
‘सकाळ’मध्ये २७ एप्रिलला ‘पाचोरा शहरातील मुख्य रस्त्यांची चाळण’ या मथळाखाली छायाचित्र व त्रस्त नागरिकांच्या प्रतिक्रियांसह वस्तुस्थितीवर आधारित वृत्त प्रसिद्ध करण्यात आले होते. या वृत्तामुळे पालिकेला जाग आली व पालिकेने खड्डे बुजून रस्ता वाहतूक योग्य करण्यासाठी लगबग सुरू केली. हा रस्ता दिवसभर वाहतुकीचा व वर्दळीचा आहे. (Latest Marathi News)
यामुळे रस्त्यांवरील खड्ड्यांमुळे त्रस्त झालेले नागरिक व वाहनचालकांकडून आनंद व्यक्त होत असून, रस्त्यांच्या अवस्थेचे वस्तुनिष्ठ वृत्त प्रसिद्ध करणाऱ्या ‘सकाळ’ला धन्यवाद दिले. दरम्यान, पालिकेने शहरातील प्रमुख रस्त्यांवर पडलेल्या खड्ड्यांसंदर्भातही अशाच स्वरूपाची कार्यवाही करून संभाव्य अपघात व हानी टाळावी. नागरिक व वाहनचालकांना न्याय मिळवून द्यावा, अशी मागणी होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
