Jalgaon Airline Service : तिरुपती, इंदूरसह अहमदाबादला जळगावहून विमानसेवा सुरू करा

Jalgaon News : जळगावहून तिरुपती, इंदूरसह अहमदाबादला विमानसेवा सुरू करावी, तसेच मुंबई व पुणे विमानसेवेची प्रवाशांच्या सोयीनुसार सकाळ व सायंकाळ वेळ करावी, अशी मागणी केंद्रीय क्रीडा-युवक कल्याण राज्यमंत्री रक्षा खडसे यांनी केंद्रीय नागरी विमान वाहतूकमंत्री राममोहन नायडू यांच्याकडे केली.

याबाबत त्यांची भेट घेत सविस्तर निवेदन देत त्यांनी वरील मागणीची गरज विशद केली. राज्यमंत्री खडसे म्हणाल्या, जळगाव विमानतळ येथे आयएफआर-ऑल वेदर ऑपरेशन, लॉ व्हिजीबिलिटी व नाइट लॅन्डिंग अशा स्थानिक विमान वाहतुकीसाठी आवश्यक सर्व सुविधांनी परिपूर्ण आहे.

जळगावहून सध्या मुंबई व पुणेसाठी आठवड्यातून तीन दिवस विमानसेवा सुरू आहे. परंतु येथून प्रवास करणारे व्यापारी व नागरिकांच्या मागणीनुसार त्यांच्या सोयीसाठी. (latest marathi news)

तसेच परिसरातील अधिकचे प्रवासी आकर्षित करण्यासाठी, पुण्यासाठी सायंकाळी व मुंबईसाठी सकाळी दररोज विमानसेवा चालू करण्यात यावी. या मागणीवर मंत्री नायडू यांनी सकारात्मक प्रतिसाद देत लवकरच दोन्ही मागण्यांवर कार्यवाही करण्याचे आश्वासन दिले.