Jalgaon News : शहरातील शिवकॉलनी स्टॉप जवळील विल्स फार्निचर दुकानासह वाशिंग सेंटर दुकानाला रविवार (ता.१०) सकाळी सातच्या सुमारास अचानक आग लागल्याने लाखो रूपयांचे नुकसान झाले.
शहरातील शिवकॉलनी स्टॉप जवळील हॉटेल बावर्चीच्या शेजारी अर्जून प्रसाद चंद्रबली शर्मा (रा. शिवधाम मंदीर, जळगाव) याचे विल्स फर्निचर दुकान आहे. जुन्या सागवान लाकडांपासून पलंग, दारवाजा, देऊळ, खुर्ची, कपाट आदि साहित्य तयार करुन विक्री करण्यात येते. (Jalgaon sudden fire broke out in shop causing loss of lakhs of rupees)
त्यांच्याच शेजारी देवकिरण विलास पाटील (रा. निवृत्ती नगर, जळगाव) याचे कार वाशिंग सेंटर आहे. रविवार(ता.१०)रोजी सकाळी ७ वाजता फर्निचर दुकानाला अचानक आग लागली. या आगीत विल्स फर्निचर दुकान आणि वाशिंग सेंटर मधील सामान जळून खाक झाले आहे.
यात विल्स दुकानात असलेले सागवान लाकूड, यंत्रसामुग्रीसहीत तयार फर्निचर असा जवळपास १५ ते २० लाखांचे नुकसान झाले तर वाशिंग सेंटर मधील कार वाशिंग मशिन.
व्हक्यूम क्लीनअर मशिनी, कोटींग मशिन, फर्निचर आदी असा अंदाजे ४ लाखांचे नुकसान झाल्याचे समोर आले आहे.
आगीची माहिती मिळताच जळगाव महापालिकेचे ७ अग्निशमन बंब घटनास्थळी दाखल झाले. दोन तासांच्या अथक परिश्रमाअंती आगीवर नियंत्रण मिळवण्यात आले. परिसरातील रहिवासी तरुणांसह अग्निशामक दलाने प्रयत्नपुर्वक आग आटोक्यात आणली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
