सबस्क्राईब करा
रावेर : भुसावळ रेल्वे विभागाच्या नेपानगर-बऱ्हाणपूर रेल्वेस्थानकांदरम्यान भारतीय सैन्य आणि युद्ध साहित्य घेऊन जाणाऱ्या रेल्वे गाडीसमोर काही ‘डिटोनेटर्स’चा स्फोट झाल्याने खळबळ उडाली आहे. यामागे अतिरेकी आहे की अन्य कोणी, याबाबतचा तपास गुप्तचर यंत्रणांसह रेल्वे पोलिस करीत आहेत. या घटनेला मध्य रेल्वेचे मुख्य जनसंपर्क अधिकारी डॉ. स्वप्नील निल यांनी दुजोरा दिला आहे. ता. १८ सप्टेंबरला घडलेली ही घटना आज उघड झाली. (Use of blast detonator on railway track near Berhampore )
खंडवा येथून तिरुअनंतपुरम येथे जाणाऱ्या या रेल्वेगाडीत भारतीय सैन्य दलाचे वरिष्ठ अधिकारी आणि युद्धात वापरली जाणारी विविध हत्यारे होती. अज्ञात व्यक्तींनी भुसावळ रेल्वे विभागाच्या बऱ्हाणपूर आणि नेपानगर या दोन मोठ्या स्थानकांमध्ये असलेल्या सागफाटा व डोंगरगावदरम्यान रेल्वे रुळावर हे ‘डिटोनेटर्स’ ठेवलेले आढळून आले. मात्र, ही अधिकाऱ्यांची रेल्वेगाडी येण्याच्या आधीच यातील काही ‘डिटोनेटर्स’चा स्फोट झाला. यामुळे रेल्वे यंत्रणा सतर्क झाली आणि ही रेल्वेगाडी नेपानगर रेल्वेस्थानकावर थांबविण्यात आली. (latest marathi news)
घटनास्थळी तातडीने श्वानपथक, रेल्वे पोलिस बल, अतिरेकी विरोधी दल यांच्यासह देशातील गुप्तचर यंत्रणा आणि सुरक्षा दल यांनी भेट दिली. या तपासकामी रेल्वेचे तेथील चाबीदार आणि ट्रॅकमन यांना चौकशीसाठी ताब्यात घेण्यात आले आहे. हे ‘डिटोनेटर्स’ रेल्वेने त्यांच्या कामासाठी उत्पादित केलेले असून, नेमके सैन्य दलाची रेल्वे येण्यापूर्वीच रेल्वे रुळावर ते का ठेवण्यात आले? यात अतिरेक्यांचा हात आहे की काय, याची चौकशी सुरू आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
