वावडे (ता. अमळनेर) : येथील वीस वर्षीय तरुणाचा शेतात विजेच्या धक्क्याने मृत्यू झाला. ही घटना बुधवारी (ता. ३१) दुपारी घडली आहे. वावडे गावातील गौरव दीपक माळी (वय २०) हा तरुण शेतात कामासाठी गेला असता फवारणी करताना विहिरीवर लावलेल्या मोटारच्या वायरचा स्पर्श त्याच्या मानेला झाल्याने त्याला विजेचा धक्का बसला. (Youth of Vavade dies due to electric shock)
त्याचे वडील व गावातील लोकांनी त्याला उपचाराकामी अमळनेर ग्रामीण रुग्णालयात नेले असता डॉक्टरांनी तपासून त्यास मृत घोषित केले. या प्रकरणी मारवड पोलिसात अकस्मात मृत्यूची नोंद करण्यात आली आहे. पोलिस कर्मचारी भरत ईशी तपास करीत आहेत.
गावावर शोककळा
मृत तरुण गौरव हा धुळे येथे ‘बीसीए’चे शिक्षण घेत होता व सुट्टीवर घरी आलेला असता ही दुर्दैवी घटना घडली. त्याचे आई-वडील हे शेतीकाम करीत असून, मुलाच्या निधनाने त्यांच्यावर दुःखाचा डोंगर कोसळला आहे. मनमिळावू स्वभावाच्या गौरवच्या अकस्मात निधनाने गावावरही शोककळा पसरली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
