Kirankumar Bakale Controversial Statement : बकालेंच्या अटकेसाठी मराठा समाज आक्रमक

चाळीसगाव : मराठा समाजाबद्दल आक्षेपार्ह वक्तव्य करणारे पोलिस निरीक्षक किरणकुमार बकाले यांना सेवेतून बडतर्फ करून तत्काळ अटक करावी, या मागणीसाठी चाळीसगाव तहसील कार्यालयासमोर मराठा बांधवांकडून रविवारी (ता. ९) साखळी आंदोलन करण्यात आले.

जळगाव एलसीबीचे पोलिस निरीक्षक बकाले यांनी काही दिवसांपूर्वी मराठा समाजाबद्दल आक्षेपार्ह वक्तव्य केल्याची आडिओ क्लिप समाज माध्यमात व्हायरल झाल्यानंतर मराठा समाजाने आक्रमक होऊन ठिकठिकाणी कारवाईबाबत आंदोलने केली.

त्यानंतर बकालेंना निलंबित करण्यात आले; परंतु त्यांना सेवेतून बडतर्फ करून तत्काळ अटक करावी, या मागणीसाठी बहुतेक ठिकाणी आंदोलन सुरू आहे. याच पार्श्वभूमीवर चाळीसगाव येथे रविवारी मराठा समाजबांधवांनी साखळी आंदोलन केले. या वेळी विविध सामाजिक संस्थांनी आंदोलनाला पाठिंबा दर्शविला.(Kirankumar Bakale Controversial Statement Maratha Community ageressive for Arrest Jalgaon News)

तत्पूर्वी पोलिसांनी बकाले यांना तत्काळ अटक करणे गरजेचे होते; परंतु जाणूनबुजून त्यांची पाठराखण केली, असा आरोप समाजाच्या पदाधिकाऱ्यांनी केला.

या वेळी गणेश पवार, विजय पाटील, खुशाल बिडे, डी. एस. मराठे, सुमीत भोसले, संतोष निकुंभ, संजय कापसे, सचिन स्वार, पंकज पाटील, खुशाल पाटील, भाऊसाहेब पाटील, राजू मोरे, सुनील पाटील, सागर पाटील, राकेश राखुंडे, किशोर पाटील, चेतन वाघ, पप्पू मगर, सुधीर शिंदे, देवेंद्र पाटील, सुदर्शन देशमुख, पंकज रणदिवे, दिनकर कडलग, राजेंद्र शिंदे, सतीश पवार, अनिल पवार, अमोल पवार, बंडू पगार, कुशल देशमुख, नाना कापसे, सुनील गायकवाड, माळशेवगे दीपक पाटील, विनायक मांडोळे, प्रदीप देशमुख, गोकुळ पाटील, विलास मराठे, स्वप्नील गायकवाड, मुकुंद पवार, छोटू अहिरे, दीपक देशमुख, प्रदीप मराठे, नाना तांबे, जी. जी. वाघ, राकेश बोरसे, निवृत्ती कवडे, अनिल कोल्हे, ज्ञानेश्वर कोल्हे, मराठा भगिनी जयश्री रणदिवे, प्रतिभा पवार, आरस्ता माळतकर, मीलन देशमुख, रेखा गायकवाड, अनिता दुसिंग, मनीषा गायके, संगीता जाधव, अलकनंदा भवर, मनीषा महाजन, रत्नमाला जाधव, योजना पाटील, मीना पाटील यांच्यासह समाजबांधव उपस्थित होते. या वेळी व्यापारी असोसिएशनचे अध्यक्ष प्रदीप देशमुख, पंचायत समितीचे माजी सभापती संजय पाटील, धनंजय मांडोळे, माजी नगरसेवक सुरेश स्वार, संजय पाटील, शेखर देशमुख, देवळी माजी सरपंच अतुल पाटील, शेतकरी कृती समितीचे विवेक रणदिवे, स्वाभिमानी शेतकरी संघटनेचे के. आर. पाटील, डॉ. सुनील राजपूत, ॲड. भागवत पाटील, स्वप्नील जाधव, आरपीआयचे आनंद खरात व आम आदमी पार्टीचे ॲड. राहुल जाधव यांनी आंदोलनाला पाठिंब्याचे पत्र दिले.