Jalgaon Accident News : जळगाव शहरातील कृष्णा लॉन्सजवळ दुचाकीने जात असलेल्या तरुण कीर्तनकाराचा भरधाव वेगाने येणाऱ्या गॅस टँकरने दिलेल्या धडकेत ठार झाल्याची घटना रविवारी रात्री घडली. (Kirtankar died in accident with gas tanker Jalgaon Accident News)
या घटनेबाबत एमआयडीसी पोलिसात आकस्मात मृत्युची नोंद करण्यात आली आहे कैलास प्रकाश कोळी (वय-२२, रा.खर्डी ता. चोपडा) असे मृताचे नाव आहे.
खर्डी (ता.चोपडा) येथील रहिवासी कैलास कोळी कुटूंबीयांसह खर्डीगावात वास्तव्यास होते. ते, प्रतिद्ध कीर्तनकार असून कीर्तन करून आपला उदरनिर्वाह करत होते. शनिवारी (ता.२३) त्यांचा पाचोरा येथे कीर्तनाचा कार्यक्रम होता.
रात्री ११ वाजता कीर्तन संपल्यानंतर ते दुचाकीने जळगाव येथे येत असताना जळगाव शहरानजीकच्या कृष्णा लॉन्ससमोर रात्री १२.३० वाजता गॅसच्या टँकरने त्यांच्या दुचाकीला धडक दिली. या धडकेत कीर्तनकार कैलास कोळी यांचा जागेवरच मृत्यू झाला.
ही घटना घडल्यानंतर नातेवाईकांनी शासकीय वैद्यकीय महाविद्यालयात धाव घेऊन एकच आक्रोश केला. रविवार (ता.२४) रोजी सकाळी १० वाजता शवविच्छेदन करून मृतदेह नातेवाईकांच्या ताब्यात देण्यात आला आहे. त्यांच्या पश्चात आई-वडील, भाऊ, दोन विवाहित बहीण आणि असा परिवार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
