कळमसरे (ता. अमळनेर) : धरणगाव येथील जिनिंग मालकाकडून कापूस खरेदीत बेकायदेशीर कपात केल्याचा प्रकार समोर आला आहे. मात्र, ‘गावराणी जागल्या’ संघटनेच्या दक्षतेने सहाय्यक निबंधकांच्या आदेशानुसार संबंधित जिनिंग मालकाकडून प्रति १३ क्विंटल कापसाची सुमारे ४६ हजार ६९५ रुपये रक्कम वसूल करण्यात आली आहे. या प्रकारामुळे शेतकऱ्यांची शासकीय कापूस खरेदीत जिनिंग चालकांकडून होणारी पिळवणूक पुढे आली आहे.
गडखांब (ता. अमळनेर) येथील शेतकरी रमेश पाटील, भालेराव पाटील व प्रकाश पाटील या तिन्ही भावांनी नोंदणीनुसार १० जुलैला अमळनेर बाजार समितीमधून टोकन प्राप्त करून धरणगाव येथील शासकीय खरेदी केंद्र असलेल्या एस. के. कॉटन इंडस्ट्रीज नावाच्या जिनिंगला नेला. त्याचप्रमाणे रमेश पाटील यांचा कापूस मोजण्यासाठी नंबर आला. त्या वेळी प्रतवारी केल्यानंतर कापूस मोजण्यासाठी जिनिंगच्या इलेक्ट्रॉनिक वजन भुईकाट्यावर वाहनाची मोजणी केली. त्यानंतर विक्री झालेल्या मालात प्रतिक्विटंल १३ किलो कटती लावण्यात आली. त्याप्रमाणे त्यांनी एकूण मालाच्या बेकायदेशीर वजनापैकी अनधिकृतरीत्या कटती केलेली आठ क्विंटल ७२ किलो वजनाची घट म्हणून कपाशी वजन लावण्यात आले.
सहाय्यक निबंधकांकडे मागितली दाद
संबंधित कट्टी शासन नियमाने करता येत नाही म्हणून या शेतकऱ्याने तालुका सहाय्यक निबंधक कार्यालयात १५ जुलैला एस. के. कॉटन इंडस्ट्रीजविरोधात बेकायदेशीर कटतीचा अर्ज दाखल केला होता. या अर्जाची दखल घेऊन सहाय्यक निबंधक कार्यालयाने या इंडस्ट्रीजला नोटीस पाठवून कागदपत्रांसह तक्रारीची शहानिशा व पडताळणी चौकशीसाठी अमळनेर कार्यालयात १० ऑगस्टला बोलावले होते. त्या वेळी अर्जदार शेतकऱ्यांनाही आपली बाजू मांडण्यासाठी बोलावले होते.
...अन् रक्कम केली परत
या वेळी प्रथम संगणकाद्वारे मोजणी झालेला कापूस आणि नंतर कटती केलेल्या वजनाची दिलेली पावती यात फरक आढळून आली. त्यात जिनिंग मालकाने कापसाची घट म्हणून लावलेली बेकायदेशीर कपात आठ क्विंटल ७१ किलो मालाची कपात केलेली रक्कम रुपये ४६ हजार ६९५ रुपये रोखीने जिनिंग मालकाने सहाय्यक उपनिबंधक यांच्या समक्ष शेतकऱ्याला रोख स्वरूपात परत केली आहे. त्याबाबत पंचांसमक्ष ही रक्कम संघटनेने वसूल केली आहे. जिनिंगमालक मुर्तजा शाकीर, येथील ‘गावराणी जागल्या’ संघटनेचे संघटक हिरालाल पाटील, नियोजित तापी उपसा सिंचन योजनेचे अध्यक्ष दिनकर पाटील, कार्यकारी सदस्य अरुण देशमुख, अध्यक्ष सत्यशोधक पाटील व ईश्वर कोळी व अन्यायग्रस्त शेतकरी रमेश पाटील, प्रकाश पाटील, भालेराव पाटील आदी उपस्थित होते.
संपादन-भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.