कळमसरे (ता.अमळनेर) ः मारवड मंडळासह वंचित शेतकऱ्यांनी (Farmer) सानुग्राह मदत मिळत नसल्याने आमदार अनिल पाटील यांच्या निवास्थानी साखळी उपोषण (strike) करण्याचे इशारा दिला होता. त्यानुसार आमदार अनिल पाटील (MLA Anil Patil) यांनी साखळी उपोषण करणाऱ्या शेतकऱ्यांच्या भेट घेऊन लवकरच शेतकऱ्यांना नुकसान ग्रस्त शेतकऱ्यांना भरपाई मिळवून देणार असल्याचे आश्वासन दिले. त्यामुळे बुधवारी केले जाणारे उपोषण तुर्त स्थगित करण्यात आले असल्याचे मारवड येथील दिलीप पाटील यांनी सांगितले.
सन 2019(जुलै व सप्टेंबर) मध्ये झालेल्या अतिवृष्टित मारवड मंडळासह तालुक्यातील 52 गावातील शेती पिकांना जबर फटका बसला होता. बाधीत 20 गावांना सानुग्रह प्राप्त झाला.मात्र अजूनही उर्वरित 32 गावे (सप्टेंबरमध्ये बाधीत) वंचित आहेत. याबाबत निवेदन देण्यात आले होते. त्यानुसार मारवड मंडळासह वंचित शेतकरी बांधव आमदार अनिल पाटील यांच्या निवास्थानी १५ सप्टेंबर रोजी घरासमोर साखळी उपोषण करणार होते.
तहसिलदारांना दिले निवेदन
अमळनेर येथे तहसीलदार मिलिंद वाघ यांना उपोषण स्थगित बाबत निवेदन देण्यात आले. यावेळी मारवड येथील शेतकरी दिलीप पाटील यांच्यासह शेतकरी बांधव उपस्थित होते.
तर उपोषण करू..
अतिवृष्टीत नुकसान झालेले शेतकरी निवास्थानासमोर उपोषण करणार असल्याचे समजताच आमदारांनी शेतकऱ्यांची भेट घेत आश्वासन दिले आहे. मात्र यात दिरंगाई झाल्यास वंचित गावातील शेतकरी नक्कीच उपोषण करतील असेही शेतकऱ्यांनी यावेळी सांगितले .
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
