जळगाव : जिल्ह्यात सातत्याने कमी होत असलेल्या कोरोना (Coronavirus) रुग्णसंख्येमुळे सक्रिय रुग्णांची संख्या आटोक्यात आली आहे. बुधवारी प्राप्त अहवालानुसार (Jalgaon corona update) जिल्ह्यातील सक्रिय रुग्ण आता पाच हजारांच्या आत आलेत. दिवसभरात नवे १६४ रुग्ण आढळून आले, तर ५६० रुग्ण बरेही झालेत. (jalgaon-coronavirus-update-active-patient-five-thousand-in-district)
जळगाव जिल्ह्यात एप्रिलच्या अखेरच्या आठवड्यापासून रुग्णसंख्या (Jalgaon corona positive patient) कमी होत आहे. १ मेपासून तर सातत्याने रुग्णसंख्या कमी होऊन बरे होणारे रुग्ण वाढत आहेत. आता जूनमध्येही हाच ट्रेंड कायम आहे. बुधवारी ७ हजार ९९५ चाचण्यांचे अहवाल प्राप्त झाले. त्यापैकी १६४ नवे रुग्ण आढळून आले. त्यामुळे जिल्ह्यातील एकूण रुग्णसंख्या आता १ लाख ४० हजार ३०६ झाली आहे. तर ५६० रुग्ण दिवसभरात बरे झाल्यानंतर बरे होणाऱ्यांचा आकडा १ लाख ३३ हजारांवर पोचला आहे.
सक्रिय रुग्ण घटले
गेल्या २४ तासांत आणखी ४ रुग्णांचा मृत्यू झाला. जिल्ह्यातील एकूण बळींचा आकडा २५३९ झाला आहे. मार्च, एप्रिल महिन्यात कोरोना संसर्गाने ‘पीक’ गाठला असताना सक्रिय रुग्णांची संख्या साडे अकरा हजारांवर पोचली होती. ती आता कमी होऊन ४ हजार ७५८ झाली आहे.
असे आढळले रुग्ण
जळगाव शहर १८, जळगाव ग्रामीण ३, भुसावळ ३२, अमळनेर १, चोपडा ३५, भडगाव १, यावल २, एरंडोल २, जामनेर ५, रावेर ११, पारोळा ६, चाळीसगाव २६, मुक्ताईनगर १५, बोदवड १.
लसीकरणाचे ४ लाखांवर लाभार्थी
जळगाव जिल्ह्यात गेल्या आठवडाभरात लसीकरण मोहीम वेगाने राबविण्यात आली. त्या प्रमाणात लशींचा साठाही बऱ्यापैकी उपलब्ध झाला. जिल्ह्यात आतापर्यंत पहिला डोस घेतलेल्या लाभार्थींची संख्या ४ लाख ५ हजार ३६५ असून १ लाख २१ हजार १४७ जणांना दुसरा डोस देण्यात आला आहे. बुधवारी केवळ ६४२ जणांना पहिला तर ४७४ जणांना दुसरा डोस देण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
